ନବରଙ୍ଗପୁର: ଜିଲ୍ଲା ପାପଡାହାଣ୍ଡି ବ୍ଲକ୍ ଅନ୍ତର୍ଗତ ସରାଗୁଡା ଗ୍ରାମର 18 ଜଣ ମହିଳାଙ୍କଠାରୁ ଠକେଇ ଅଭିଯୋଗ । ଅଭିଯୁକ୍ତ ପ୍ରାୟ 6 ଲକ୍ଷ 20 ହଜାର 9 ଶହ ଟଙ୍କା ଠକେଇ କରିଥିବା ନେଇ ପାପଡାହାଣ୍ଡି ଥାନାରେ ଏତଲା ଦିଆଯାଇଛି ।
ଆଦିବାସୀ ମହିଳାଙ୍କଠାରୁ ଠକେଇ ଅଭିଯୋଗ
ତେବେ ମହିଳାଙ୍କ କହିବାନୁଯାୟୀ, ବର୍ତ୍ତମାନର ଜଟାବାଲ ପଞ୍ଚାୟତ ସମିତି ସଭ୍ୟ ସାଇବ ହରିଜନ ନାମକ ବ୍ୟକ୍ତି ଆଦିବାସୀ ମହିଳାଙ୍କ ସରଳତାର ଫାଇଦା ଉଠାଇଥିଲେ । କିଛି ଦିନ ତଳେ ଗ୍ରାମଶକ୍ତି ଓ ଫୂଜନ୍ ନାମକ ଏକ ଘରୋଇ କମ୍ପାନୀ ଜରିଆରେ ନବରଙ୍ଗପୁର ସହର ସ୍ଥିତ ଏକ୍ସିସ୍ ବ୍ୟାଙ୍କ(Axis bank)ରୁ ସେମାନଙ୍କ ଦ୍ଵାରା ଟଙ୍କା ଉଠାଇ ସେମାନଙ୍କୁ ମାତ୍ର 2 ହଜାର ଟଙ୍କା ଦେଇଥିଲେ । ପରେ ଗ୍ରୁପ୍ରୁ ଉଠେଇ ଥିଵା ଋଣ ଟଙ୍କାକୁ ସୁଝିଵା ନେଇ ମିଥ୍ୟା ପ୍ରଲୋଭନ ଦେଖାଇ ସମୁଦାୟ ଟଙ୍କାକୁ ହଡପ କରି ଅଭିଯୁକ୍ତ ଫେରାର୍ ହେଇଯାଇଥିଲେ ।