ନବରଙ୍ଗପୁର: ପୋଖରୀରେ ବୁଡ଼ି ଯୁବକ ମୃତ। ଏପରି ଅଭାବନୀୟ ଘଟଣା ଘଟିଛି ନବରଙ୍ଗପୁର ସହରରେ । ଯୁବକ ଜଣକ ସହରସ୍ଥିତ ଗରାମୁଣ୍ଡା ପୋଖରୀରେ ଗାଧୋଇବାକୁ ଯାଇଥିବାବେଳେ ପାଣିରେ ବୁଡିଯାଇ ପ୍ରାଣ ହରାଇଛନ୍ତି। ମୃତକ ଜଣକ ହେଲେ ମାଳି ସାହିର ଅର୍ଜୁନ ନାୟକ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ତେବେ ଦୀର୍ଘ ସମୟ ଧରି ଅର୍ଜୁନ ଘରକୁ ନଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ । ଏହାପରେ ପରିବାର ଲୋକେ ପୋଲିସ ଓ ଦମକଳବାହିନୀକୁ ଖବରଦେଇଥିଲେ । ଘଟଣା ସ୍ଥଳରେ ଦମକଳ ବାହିନୀ ପହଁଚି ଯୁବକକୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।