ନବରଙ୍ଗପୁର: ବଜ୍ରାଘାତରେ ଟଳିପଡିଲେ 2 ଶ୍ରମିକ । ଏଭଳି ଘଟଣା ନବରଙ୍ଗପୁର ଜିଲ୍ଲା ଉମରକୋଟ ଥାନା କୁର୍ଶୀ ପଞ୍ଚାୟତରେ ଘଟିଛି । ତେବେ ଶନିବାର କୁର୍ସୀ ପଞ୍ଚାୟତର ଆଠ ଜଣ ଶ୍ରମିକ ନିକଟସ୍ଥ ତୋହରା ପଞ୍ଚାୟତର ଯୁନାପାନି ଗ୍ରାମକୁ ଜମିରେ କାମ କରିବାକୁ ଯାଇଥିଲେ । ଅପରାହ୍ଣ ସମୟରେ ହଠାତ୍ ବଜ୍ରାଘାତ ହେବାରୁ ନୀଳାମ୍ବର ଗଣ୍ଡ, ଚନ୍ଦ୍ର ଗଣ୍ଡ, ପ୍ରିତମ ଗଣ୍ଡ ଓ ଧନର ଗଣ୍ଡ ଗୁରୁତର ଆହତ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା ନବରଙ୍ଗପୁର
ଗୁରୁତର ଅବସ୍ଥାରେ ସେମାନଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ପ୍ରାଥମିକ ଚିକିତ୍ସା କରାଯାଇଥିଲା । ପରେ ଅଧିକ ଚିକିତ୍ସା ପାଇଁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରାଯାଇଥିଲା । ହେଲେ ବାଟରେ ହିଁ ଚନ୍ଦ୍ର ଗଣ୍ଡ ଓ ନୀଳାମ୍ବର ଗଣ୍ଡଙ୍କ ମୃତ୍ୟୁ ହୋଇଛି ।