କୂଅରେ ପଡି ଜମି ମାଲିକଙ୍କ ମୃତ୍ୟୁ

ଗୁରୁବାର ଅପରାହ୍ନରେ କୂଅରେ ପଡି ଜମି ମାଲିକ ମୃତ । କୋଷାଗୁମୁଡା ଥାନା ଅନ୍ତର୍ଗତ ଚାଚନକଟଗୁଡା ଗାଁରେ ଘଟିଛି ଅଭାବନୀୟ ଘଟଣା...

ନବରଙ୍ଗପୁର: ଜିଲ୍ଲାର କୋଷାଗୁମୁଡା ଥାନା ଅନ୍ତର୍ଗତ ଚାଚନକଟଗୁଡା ଗାଁରେ ଗୁରୁବାର ଅପରାହ୍ନରେ କୂଅରେ ପଡି ଜମି ମାଲିକଙ୍କ ମୃତ୍ୟୁ ଘଟିଛି ।

ମିଳିଥିବା ସୂଚନା ଅନୁଯାୟୀ, ଚାଚନକାଟଗୁଡା ଗ୍ରାମର ମଙ୍ଗତୁ ଭତରା (70) ଚାଷ ଜମି ଦେଖିବାକୁ ଯାଇଥିଲେ। କିନ୍ତୁ ସେ ବହୁସମୟ ପରେ ମଧ୍ୟ ଘରକୁ ଫେରିନଥିଲେ । ଏହାପରେ ଘର ଲୋକେ ଜମିକୁ ଯାଇ ଖୋଜାଖୋଜି କରିବା ବେଳେ ସେ ନିଜ ଜମିରେ ଥିବା ଏକ କୂଅରେ ପଡିଯାଇଥିବା ଦେଖିବାକୁ ପାଇଥିଲେ ।

ଏନେଇ ପରିବାର ଲୋକେ କୋଷାଗୁମୁଡା ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀମାନେ କୂଅ ମଧ୍ୟରୁ ମୃତଦେହକୁ ଉଦ୍ଧାର କରି କୋଷାଗୁମୁଡା ପୋଲିସକୁ ହସ୍ତାନ୍ତର କରିଥିଲେ । ଏନେଇ ମୃତ ବ୍ୟକ୍ତିଙ୍କ ପୁଅ ନରସିଂହ ଭତରା ଥାନାରେ ଏକ ଳିଖିତ ଅଭିଯୋଗ କରିଛନ୍ତି । ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ କୋଷାଗୁମୁଡା ପଠାଇ ଘଟଣାର ତଦନ୍ତ ଚଳାଇଥିବା ଜଣାପଡ଼ିଛି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭରତ