ନବରଙ୍ଗପୁର: ଟ୍ରାକ୍ଟର ଓଲଟି ଦୁର୍ଘଟଣା । ଝରିଗାଁ ଥାନା ଅନ୍ତର୍ଗତ ଫୁପୁଗାଁରେ ଭାରସାମ୍ୟ ହରାଇ ଶ୍ରମିକ ବୋଝେଇ ଏକ ଟ୍ରାକ୍ଟର ଓଲଟି ଦୁର୍ଘଟଣା ଘଟିଛି । ଦୁର୍ଘଟଣାରେ ୬ ମହିଳା ଗୁରୁତର ହୋଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା, ନବରଙ୍ଗପୁର
ଟ୍ରାକ୍ଟର ଓଲଟି 15 ଆହତ
ନବରଙ୍ଗପୁର ଜିଲ୍ଲା ଫୁପୁଗାଁରେ ଟ୍ରାକ୍ଟର ଓଲଟି ଦୁର୍ଘଟଣା । ଶ୍ରମିକ ବୋଝେଇ ଟ୍ରାକ୍ଟର ଓଲଟି 15 ଆହତ, 6 ଗୁରୁତର । ଘଟଣା ସ୍ଥଳରେ ଝରିଗାଁ ପୋଲିସ ପହଞ୍ଚି ସମସ୍ତଙ୍କୁ ଝରିଗାଁ ମେଡିକାଲରେ ଭର୍ତ୍ତି କରିଛନ୍ତି ।
ଫଟୋ ସୌଜନ୍ୟ : ସମ୍ବାଦଦାତା, ନବରଙ୍ଗପୁର
ଝରିଗାଁ ଥାନା ଅନ୍ତର୍ଗତ ଫୁପୁଗାଁ ବନ୍ଧ ନିକଟରେ ଭାରସାମ୍ୟ ହରାଇ ଏକ ଟ୍ରାକ୍ଟର ଓଲଟି ପଡିଥିଲା । ଟ୍ରାକ୍ଟରେ ଥିବା ସମସ୍ତେ ମହିଳା ଦୁର୍ଘଟଣାରେ ଆହତ ହୋଇଛନ୍ତି । ଫୁପୁଗାଁ ପଞ୍ଚୟତର ପୂର୍ଣିଗୁଡ଼ା ଗ୍ରାମରୁ ୪୧ ମହିଳା ଓ ଝିଅ ମାନେ ସାରିଆପଡା ଗ୍ରାମର ରବି ଗୌଡ଼ଙ୍କ ମକା କ୍ଷେତରେ ମକା ଭାଙ୍ଗିବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ପରେ ଟ୍ରାକ୍ଟର ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି । ଘଟଣା ସ୍ଥଳରେ ଝରିଗାଁ ପୋଲିସ ପହଞ୍ଚି ଗ୍ରାମବାସୀଙ୍କ ସହ ମିଶି ସମସ୍ତ ଲୋକଙ୍କୁ 108 ଆମ୍ବୁଲାନ୍ସ , ପୋଲିସ ଗାଡି ଓ ଅନ୍ୟାନ୍ୟ ଗାଡି ସାହାଯ୍ୟରେ ଝରିଗାଁ ଚିକିତ୍ସାଳୟରେ ଭର୍ତ୍ତି କରିଛି । ସମସ୍ତେ ଝରିଗାଁ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
Last Updated : Nov 26, 2019, 8:29 PM IST