ଅଧା ରାସ୍ତାରେ ଅଟକିଲା ଶ୍ରମିକ ବସ, ଭୟରେ ସ୍ଥାନୀୟ ଲୋକେ

ନବରଙ୍ଗପୁର ସହର ଇଚ୍ଛାବତୀଗୁଡା ନିକଟରେ ପ୍ରବାସୀ ଶ୍ରମିକମାନଙ୍କୁ ଧରି ଯାଉଥିବା ଏକ ବସ ଖରାପ ହୋଇପଡିଛି । ଫଳରେ 55 ଜଣ କଳାହାଣ୍ଡିର ଶ୍ରମିକ ଅଧାରାସ୍ତାରେ ଅଟକି ରହିଛନ୍ତି ।

ନବରଙ୍ଗପୁର: ସହରର ଇଚ୍ଛାବତୀଗୁଡା ନିକଟରେ ପ୍ରବାସୀ ଶ୍ରମିକମାନଙ୍କୁ ଧରି ଯାଉଥିବା ଏକ ବସ ଖରାପ ହୋଇପଡିଛି । ଫଳରେ 55 ଜଣ କଳାହାଣ୍ଡିର ଶ୍ରମିକ ଅଧାରାସ୍ତାରେ ଅଟକି ରହିଛନ୍ତି । ବସ୍‌ଟି ମାଲକାନଗିରି ମୋଟୁ ଅଞ୍ଚଳରୁ କଳାହାଣ୍ଡି ଜିଲ୍ଲା ଧର୍ମଗଡ଼ ଅଭିମୁଖେ ଯାଉଥିଲା । ହେଲେ ଗାଡିଟି ହଠାତ୍‌ ଖରାପ ହୋଇଯିବାରୁ ଇଚ୍ଛାବତୀଗୁଡାରେ ଉଭୟ ମହିଳା ଓ ପୁରୁଷ ଶ୍ରମିକ ଓଲ୍ଲାଇ ବସ ଠିକ ହେବା ପାଇଁ ରାସ୍ତାରେ ଅପେକ୍ଷା କରି ବସି ରହିଥିବା ଦେଖିବାକୁ ମିଳିଛି ।

ଅଧା ରାସ୍ତାରେ ଅଟକିଲା ଶ୍ରମିକ ବସ, ଭୟରେ ସ୍ଥାନୀୟ ଲୋକେ

ଏନେଇ ଇଚ୍ଛାବତୀଗୁଡା ଅଞ୍ଚଳର ସ୍ଥାନୀୟ ଲୋକେ କୋରୋନା ସଂକ୍ରମଣ ଭୟ ଓ ଆତଙ୍କରେ ଭୟଭୀତ ହୋଇ ପଡିଛନ୍ତି । ତେବେ ମୋଟୁରେ କୋରୋନା ପରୀକ୍ଷା କରାଯିବା ପରେ ନେଗେଟିଭ ଆସିବାରୁ ସେମାନେ ଘରକୁ ଫେରୁଥିବା ଜଣେ ପ୍ରବାସୀ ଶ୍ରମିକ ସୂଚନା ଦେଇଛନ୍ତି । ଗାଡିଟି ଠିକ୍‌ ହେବା ପରେ ଶ୍ରମିକମାନଙ୍କୁ ଘରକୁ ଫେରିଯିବା ପାଇଁ କୁହାଯାଇଛି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ