ନବରଙ୍ଗପୁର: ମଶାଣିରୁ ମୃତଦେହ ଗାଏବ । ଏଭଳି ଏକ ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅନ୍ତର୍ଗତ ସାନଭରଣ୍ଡି ଗାଁରେ । ଯେଉଁଠି ମଶାଣିରୁ ମୃତଦେହ ଖୋଳି ବାହାର କରି ନେଇଥିବା ନେଇ ଥାନାରେ ଅଭିଯୋଗ କରିଛନ୍ତି ପରିବାର ଲୋକ । ଅଭିଯୋଗ ପାଇବା ପରେ ଉମରକୋଟ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ସୂଚନାମୁତାବକ ସାନଭରଣ୍ଡି ଗାଁର ମାନସିଂ କୁମ୍ଭାରଙ୍କ ନାବାଳିକା ଝିଅ ଉକ୍ତ ଗାଁର ଜଣେ ଯୁବକଙ୍କୁ ପ୍ରେମ କରୁଥିଲେ । କିନ୍ତୁ ଉକ୍ତ ଯୁବକ ଜଣକର ଅନ୍ୟ ଜଣେ ଝିଅଙ୍କ ସହ ବାହାଘର ହୋଇଯିବାରୁ ନାବାଳିକା ଜଣକ ମର୍ମାହତ ହୋଇ ସୋମବାର ରାତିରେ ନିଜ ଘରେ ବେକରେ ଦୌଡି ଦେଇ ଆତ୍ମହତ୍ୟା କରିଥିଲେ ।