ନବରଙ୍ଗପୁର:ନବରଙ୍ଗପୁର ପୋଲିସକୁ ସଫଳତା । ଧରାପଡିଲେ 5 ଜଣିଆ ଡକାୟତ ଗ୍ୟାଙ୍ଗ । ଏଥିସହ ସେମାନଙ୍କ ଠାରୁ 2 ଲକ୍ଷ 16 ହଜାର ଟଙ୍କା, 31.60ଗ୍ରାମ ସୁନା IIFLରେ ବନ୍ଧକ ରଖି ଆଣିଥିବା ଟଙ୍କାକୁ ମଧ୍ୟ ସିଜ କରିଛି ପୋଲିସ । ତେବେ ସହରର କିଛି ଅଞ୍ଚଳରେ ଲଗାତାର ଚୋରି ହେବାର ଅଭିଯୋଗ ହୋଇ ଆସୁଥିଲା । ଏନେଇ ଗତ 7 ମାର୍ଚ୍ଚରେ R ନାଗରତ୍ନମ ନିଜ ଘରେ ତାଲା ପକାଇ ପରିବାର ସହ ବିଜୟନଗର ଯାଇଥିଲେ । 14 ତାରିଖ ଦିନ ଫେରିବା ପରେ ଦେଖିଲା ବେଳକୁ ଘରେ ଚୋରି ହୋଇଥିବା ନଜରକୁ ଆସିଥିଲା । ପରବର୍ତ୍ତୀ ସମୟରେ ନବରଙ୍ଗପୁର ଥାନାରେ ଏତଲା ଦିଆଯାଇଥିଲା ।
ସେହିପରି R ନାଗରତ୍ନମଙ୍କ ଘରେ ତାଲା ପଡିଥିବା ଦେଖି ପ୍ରଥମେ ଗ୍ୟାଙ୍ଗର 2 ଜଣ ଅନ୍ୟ ତିନି ଜଣ ସାଙ୍ଗକୁ ଖବର ଦେଇଥିଲେ । ପରେ ପାଞ୍ଚ ଜଣ ଅଭିଯୁକ୍ତ ମିଶି ଆଲମାରୀ ଭାଙ୍ଗି 10 ଲକ୍ଷ ଟଙ୍କା ସହ ଘରେ ଥିବା ସୁନା ଯାହାର ମୂଲ୍ୟ ପ୍ରାୟ 10 ଲକ୍ଷ ହେବ ଏବଂ କିଛି ରୁପା ନେଇ ଚାଲି ଯାଇଥିଲେ । ଏନେଇ ଘଟଣାର ତଦନ୍ତ ପରେ ସ୍ଥାନୀୟ ପିଲା 2 ଜଣକୁ ପୋଲିସ ସନ୍ଦେହରେ ପଚରା ଉଚରା ପାଇଁ ଥାନାକୁ ଆଣିଥିବା ବେଳେ ତଦନ୍ତରେ ଜଣା ପଡିଲା କି ସେମାନେ ଏହି ଚୋରିରେ ସମ୍ପୂର୍ଣ୍ଣ ମାତ୍ରାରେ ସମ୍ପୃକ୍ତ ଅଛନ୍ତି l