ରାଜ୍ୟ ସରକାରଙ୍କୁ ବଳଭଦ୍ରଙ୍କ ଟାର୍ଗେଟ

ନବରଙ୍ଗପୁରରେ ରେଳ ଲାଇନକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲେ ପୂର୍ବତନ ସାଂସଦ ତଥା ବିଜେପି ନେତା ବଳଭଦ୍ର ମାଝୀ । ସରକାରଙ୍କ ଆନ୍ତରିକତା ଅଭାବରୁ ରେଳ ପ୍ରକଳ୍ପ ଆଗେଇ ପାରୁ ନଥିବା ଅଭିଯୋଗ କରିଛନ୍ତି ବଳଭଦ୍ର ।

ନବରଙ୍ଗପୁର: ରେଳ ଲାଇନକୁ ନେଇ ଜୋର ଧରିଲା ରାଜନୀତି । ଏନେଇ ନବରଙ୍ଗପୁରଠାରେ ପ୍ରେସ ମିଟ ଜରିଆରେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ସାଂସଦ ତଥା ବିଜେପି ନେତା ବଳଭଦ୍ର ମାଝୀ ।

ନବରଙ୍ଗପୁର ଭଳି ପଛୁଆ ଅଞ୍ଚଳରେ ବର୍ତ୍ତମାନ ସୁଦ୍ଧା ରେଳ ଲାଇନ ସଂଯୋଗ ହୋଇପାରିନଥିବା ବେଳେ କେନ୍ଦ୍ର ସରକାର ନବରଙ୍ଗପୁର ଠାରେ ରେଳ ଲାଇନ ସଂଯୋଗୀକରଣକୁ ପ୍ରାଥମିକତା ଦେଇ ପ୍ରକଳ୍ପ ନିମନ୍ତେ ଟଙ୍କା ମଞ୍ଜୁର କରିଥିଲେ । ଗତବର୍ଷ ଓଡିଶାକୁ 5252 କୋଟି ମିଳିଥିଲା । ହେଲେ ସରକାରଙ୍କ ଆନ୍ତରିକତା ଅଭାବରୁ ପ୍ରକଳ୍ପ ଆଗେଇ ପାରୁନଥିବା ଅଭିଯୋଗ କରିଛନ୍ତି ବଳଭଦ୍ର ।

ରାଜ୍ୟ ସରକାର ରେଳ ପ୍ରକଳ୍ପ ନିମନ୍ତେ ଜମି ଯୋଗାଇ ଦେଉନଥିବା ବେଳେ ଜମି ଅଭାବରୁ ପ୍ରକଳ୍ପ କାମ ଆଗେଇ ପାରୁନଥିବା ବଳଭଦ୍ର ଅଭିଯୋଗ କରିଛନ୍ତି । ଏଥିସହ ନବରଙ୍ଗପୁର ଜିଲ୍ଲାର ମୁଖ୍ୟ ଚିକିତ୍ସାଳୟରେ ଡାକ୍ତର ଅଭାବ ସମସ୍ୟା, ଉମରକୋଟ ମେଡିକାଲରେ ବ୍ଲଡ଼ ବ୍ୟାଙ୍କ ପ୍ରତିଷ୍ଠା ପାଇଁ ମଞ୍ଜୁରୀ ମିଳିଥିଲେ ମଧ୍ୟ ବର୍ତ୍ତମାନ ସୁଦ୍ଧା ପ୍ରକଳ୍ପ କାମ ସରିପାରିନଥିବା ବଳଭଦ୍ର ପ୍ରକାଶ କରିଛନ୍ତି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ