ନବରଙ୍ଗପୁର: ଗ୍ରାମବାସୀଙ୍କୁ ବିଜେଡି କର୍ମୀଙ୍କ ମାଡ ଅଭିଯୋଗ । ବିକାଶ ଲାଗି ପ୍ରତିବାଦ କରିମାଡଖାଇ ଲହୁ ଲୁହାଣ ହୋଇଛନ୍ତି ଗ୍ରାମବାସୀ ଦେବରାଜ ଖରା। ଗତ ରବିବାର ଦିନ ପ୍ରଚାର ପାଇଁ କୁଟ୍ରିଚପର ଗ୍ରାମ ପଞ୍ଚାୟତ ଅନ୍ତର୍ଗତ କଲେଗାଁ ଯାଇଥିବାବେଳେଘଟିଥିଲା ଏହି ଘଟଣା । କେବଳ ଏତିକି ନୁହେଁ, ଲୋକଙ୍କୁ ଜୀବନରୁମାରିଦେବାର ଧମକ ମଧ୍ୟ ଦିଆଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର ସୂଚନା ଅନୁଯାୟୀ, ଝରିଗାଁ ନିର୍ବାଚନ ମଣ୍ଡଳୀ ଗତ 19ବର୍ଷ ଧରି ବିଜେଡି କବଜାରେ ରହିଆସିଥିବା ବେଳେ ସ୍ଥାନୀୟ ବିଧାୟକ,ଦୁଇଥର ମନ୍ତ୍ରୀ ଦାୟିତ୍ବରେ ରହି ଆସିଛନ୍ତି । ତେବେ ସ୍ଥାନୀୟ ବାସିନ୍ଦା ଅଞ୍ଚଳରେ ବିକାଶ ହୋଇନଥିବା ଆଣିଛନ୍ତି ଅଭିଯୋଗ ।
ମଙ୍ଗଳବାର ରାତି 12ଟାବେଳେ କିଛି ଦୁର୍ବୃତ୍ତଦେବରାଜ ଶୋଇଥିବା ଅବସ୍ଥାରେ ତାଙ୍କ ଘରକୁ ଯାଇ ତାଙ୍କୁ ଘୋଷାଡି ଆଣି କାଠ ଫାଳିଆରେ ମରଣାନ୍ତକ ଆକ୍ରମଣ କରିଥିଲେ l ଏପରିକି ଦେବରାଜଙ୍କ 70ବର୍ଷରୁ ଊର୍ଦ୍ଧ୍ବବୁଢ଼ୀ ଜେଜେମା କୁ ମଧ୍ୟ ଛାଡ଼ିନଥିଲେ ଦୁର୍ବୃତ୍ତ । ରକ୍ତ ଜୁଡୁବୁଡୁ ଅବସ୍ଥାରେ ଦେବରାଜଙ୍କୁଗ୍ରାମବାସୀ ଝରିଗାଁ ଡାକ୍ତରଖାନାରେ ଭର୍ତ୍ତି କରିଥିଲେ । ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଅଧିକାରୀ ପ୍ରାଥମିକ ଚିକିତ୍ସା କରି ଦେବରାଜଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠେଇ ଦେଇଥିଲେ ।
ବର୍ତ୍ତମାନ ଦେବରାଜ ଚିକିତ୍ସିତ ଅବସ୍ଥାରେ ରହିଥିବାବେଳେ ଗ୍ରାମର ଅନ୍ୟମାନଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି । ଏନେଇ ଦେବରାଜଙ୍କ ପିତା ଦଶମୁଁ ଖରାଥାନାରେ ଏତଲା ଦାଏର କରିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
