ନବରଙ୍ଗପୁର: ୧୨ ଘଣ୍ଟାର ଅପରେସନ ପରେ ଗାତରୁ ଉଦ୍ଧାର ହେଲା ହେଟା ବାଘ । ନବରଙ୍ଗପୁର ଜିଲ୍ଲା ଡାବୁଗାଁ ବନାଞ୍ଚଳ ଅନ୍ତର୍ଗତ ବାରିଗୁଡା ପ୍ରସ୍ତାବିତ ସଂରକ୍ଷିତ ଜଙ୍ଗଲର ଗୋଟିଏ ହେଟାବାଘ ଖାଦ୍ୟ ଅନ୍ବେଷଣରେ ଜନବସତି ମୁହାଁ ହୋଇ କେନ୍ଦୁଗୁଡା ଓ ବାରିଗୁଡା ଗ୍ରାମରେ ଥିବା ଏକ ଜମିର ଗାତ ମଧ୍ୟରେ ଖସି ପଡିଯାଇଥିଲା । ତେବେ ସଂକୀର୍ଣ୍ଣ ଗାତ ହୋଇଥିବାରୁ ଆଉ ସେଥିରୁ ବାହାରି ପାରିନଥିଲା ।
12 ଘଣ୍ଟାର ଅପରେଶନ ପରେ ଗାତରୁ ଉଦ୍ଧାର ହେଲା ହେଟାବାଘ
ଗୋଟିଏ ଗାଈ ଜଗୁଆଳି ହେଟାବାଘକୁ ଦେଖି ଗ୍ରାମବାସୀଙ୍କୁ ଖବର ଦେଇଥିଲା । ନବରଙ୍ଗପୁର ବନଖଣ୍ଡ ଅଧିକାରୀ ଖବରପାଇ ତୁରନ୍ତ ହେଟା ବାଘଟିକୁ ଉଦ୍ଧାର କରିବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ପଶୁ ଉଦ୍ଧାରକାରୀ ଦଳର କର୍ମକର୍ତାଙ୍କ ତରଫରୁ ଉଦ୍ଧାର କାମ ଆରମ୍ଭ ହୋଇଥିଲା ।