ନବରଙ୍ଗପୁର: ଜଙ୍ଗଲକୁ ଟେକି ନେଇ ନାବାଳିକାକୁ ଦୁଷ୍କର୍ମ ଅଭିଯୋଗ । ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ଏକମ୍ବା ଅଞ୍ଚଳରେ ଜଣେ ନବମ ଶ୍ରେଣୀ ଛାତ୍ରୀକୁ ଜୋର ଜବରଦସ୍ତ ଜଙ୍ଗଲକୁ ନେଇ ଦୁଷ୍କର୍ମ କରିଥିବା ଅଭିଯୋଗ ଆଣିଛନ୍ତି ଜଣେ ସମାଜସେବୀ ।
ସୂଚନା ଅନୁଯାଇ, ପୀଡିତା ନାବାଳିକା ଜଣକ ଚନ୍ଦାହାଣ୍ଡି ଅଞ୍ଚଳର ଏକ ଆଶ୍ରମ ବିଦ୍ୟାଳୟରେ ନବମ ଶ୍ରେଣୀରେ ପଢୁଥିଲେ । କିଛିଦିନ ହେଲା ଦେହ ଖରାପ ଥିବାରୁ ଏକମ୍ବା ଅଞ୍ଚଳରେ ଥିବା ଘରକୁ ଆସିଥିଲେ ।
ଗତ ୧୬ ତାରିଖ ରାତିରେ ସେ ବାହାରକୁ ଉଠିଥିବାବେଳେ ସେହି ଅଞ୍ଚଳର କ୍ରିଷ୍ଣା କଲାର ନାମକ ଯୁବକ ଏକ ବାଇକରେ ଆସି ଜୋର ଜବରଦସ୍ତ ନାବାଳିକାକୁ ପାଖରେ ଥିବା ନୀଳଗିରି ଜଙ୍ଗଲକୁ ନେଇ ଦୁଷ୍କର୍ମ କରିଥିଲା ଓ ଧମକ ଦେଇଥିଲା ।
ହେଲେ ନାବାଳିକା ଜଣକ ଘରକୁ ଆସି ପରିବାରକୁ ଜଣାଇଥିଲେ । ଏନେଇ ପୀଡିତାଙ୍କ ପରିବାର କୃଷ୍ଣ କଲାରକୁ ପଚାରିବାରୁ ସେ ଅସଭ୍ୟ ଭାଷାରେ ବହୁ ଗାଳି ଗୁଲଜ କରିଥିଲା । ପରେ ଏନେଇ ପୀଡିତାଙ୍କ ପରିବାର ସ୍ଥାନୀୟ ଅଞ୍ଚଳର ଜଣେ ସମାଜସେବୀଙ୍କ ସହଯୋଗରେ ଉମରକୋଟ ଥାନାର ଦ୍ୱାରସ୍ଥ ହୋଇଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ