ନବରଙ୍ଗପୁର: ଜିଲ୍ଲା ସ୍ତରୀୟ ନୋଡାଲ ଅଧିକାରୀଙ୍କ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ସ୍ଥାନୀୟ ମିଶନ ଶକ୍ତି ସଭା ଗୃହରେ ଜିଲ୍ଲାପାଳ ଡ.ଅଜିତ କୁମାର ମିଶ୍ରଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା ।
ଏହି ବୈଠକରେ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ ରୋଜଗାର ଯୋଜନାର ଅଗ୍ରଗତି, କର୍ମ ରୋଜଗାର ଯୋଗାଇବାରେ ନବରଙ୍ଗପୁର ଜିଲ୍ଲା ଗଞ୍ଜାମ ପରେ ଦ୍ବିତୀୟରେ ରହିଥିବା ନେଇ ସୂଚନା ଦିଆଯାଇଛି । କୋରୋନା-19 ର ସ୍ଥିତି, ନମୁନା ପରୀକ୍ଷଣ ଏବଂ ଚିହ୍ନଟ ହୋଇଥିବା ପଜିଟିଭ ଓ ସଙ୍ଗରୋଧରେ ଥିବା ସଂଖ୍ୟା ଇତ୍ୟାଦି,ଉପରେ ସମୀକ୍ଷା କରାଯାଇଥିଲା । ଆଲୋଚନା ବେଳେ ମୋ ଉପକାର ବଗିଚା ଯୋଜନାର ସଫଳ ରୂପାୟନ ଦିଗରେ ତ୍ବରିତ ପଦକ୍ଷେପ ନେବାକୁ କୁହାଯାଇଛି ।