ବାଇକରେ ଚାଲାଣ ହେଉଥିଲା 53 କେଜି ଗଞ୍ଜେଇ, 3 ଗିରଫ

କୋଡ଼ିଙ୍ଗା ଥାନା ପୋଲିସ ୫୩ କେଜିରୁ ଉର୍ଦ୍ଧ ଗଞ୍ଜେଇ ଜବତ କରିଛି । ଏହାସହ ଏଥିରେ ସମ୍ପୃକ୍ତ ୩ ଜଣଙ୍କୁ ଗିରଫ କରାଯାଇଥିବା ଜଣାପଡିଛି । ଅଧିକ ପଢନ୍ତୁ...

ନବରଙ୍ଗପୁର: କୋଡ଼ିଙ୍ଗା ଥାନା ପୋଲିସ ୫୩ କେଜିରୁ ଉର୍ଦ୍ଧ ଗଞ୍ଜେଇ ଜବତ କରିଛି । ଏହାସହ ଏଥିରେ ସମ୍ପୃକ୍ତ ୩ ଜଣଙ୍କୁ ଗିରଫ କରାଯାଇଥିବା ଜଣାପଡିଛି । ପୋଲିସର ସୂଚନାନୁସାର, ଏକ ୟାମାହା ଏଫଜେଡ ବାଇକ OD -10R- 5159 ବାଇକରେ ଦୁଇଟି ପଲିଥିନ ବସ୍ତାରେ ୫୩ କିଲୋ ୫୦୦ଗ୍ରାମ ଗଞ୍ଜେଇ ଚାଲାଣ ହେଉଥିଲା । ଏହି ସମୟରେ କୋଡ଼ିଙ୍ଗା ପୋଲିସ ଜବତ କରିଥିଲା ।

ଏଥିରେ ସମ୍ପୃକ୍ତ ପାପଡାହାଣ୍ଡି ଥାନା ଅନ୍ତର୍ଗତ ଡୁମୁରିପଦର ଗ୍ରାମର ବାଲା ନାୟକ , ଲଛମନ ନାୟକ ଓ କଳାହାଣ୍ଡିର ଡମ୍ବରୁ ନାୟକଙ୍କୁ ଗିରଫ କରିଛି ପୋଲିସ । ସେମାନଙ୍କଠାରୁ ଗୋଟିଏ ସ୍ମାର୍ଟ ଫୋନ, 200ଶହ ଟଙ୍କା ସହିତ ଉକ୍ତ ବାଇକକୁ ଜବତ କରି କୋଡ଼ିଙ୍ଗା ଥାନାରେ କେସ ନମ୍ବର 64/2021ରେ ଏକ ମାମଲା ରୁଜୁ କରିଛ । ତେବେ ଉକ୍ତ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି କୋଡ଼ିଙ୍ଗା ଥାନା ଅଧିକାରୀ ସୁଚନା ଦେଇଛନ୍ତି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ