ନବରଙ୍ଗପୁର: ଜିଲ୍ଲାରେ ବେକାବୁ ହେଉଛି କୋରୋନା । ଆଜି ଜିଲ୍ଲାରୁ ପୁଣି ୧୪ କୋରୋନା ପଜିଟିଭ ଚିହ୍ନଟ l ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ତରଫରୁ ସୂଚନା ପାଇବା ପରେ ଏନେଇ ନବରଙ୍ଗପୁର ଜିଲ୍ଲାପାଳ ଡକ୍ଟର ଅଜିତ କୁମାର ମିଶ୍ର ସୂଚନା ଦେଇଛନ୍ତି ।
ଆଜି ନବରଙ୍ଗପୁରରେ ପୁଣି 14 କୋରୋନା ଆକ୍ରାନ୍ତ ଚିହ୍ନଟ
ଆଜି ଚିହ୍ନଟ ୧୪ ଆକ୍ରାନ୍ତଙ୍କ ମଧ୍ୟରୁ ତେନ୍ତୁଳିଖୁଣ୍ଟି ବ୍ଲକରୁ ୭ ଜଣ, ନବରଙ୍ଗପୁର ମ୍ୟୁନିସିପାଲିଟିରୁ ୨ ଜଣ , ଉମରକୋଟ ମ୍ୟୁନିସିପାଲିଟି ୨ ଜଣ , ଏବଂ ଝରିଗାଁ ବ୍ଲକରୁ ୩ ଜଣ କୋରୋନା ପଜିଟିଭ ଚିହ୍ନଟ ହୋଇଥିବା ନେଇ ସୂଚନା ଦେଇଛନ୍ତି ଜିଲ୍ଲାପାଳ । ଆଜିର ୧୪ ଜଣ ଆକ୍ରାନ୍ତ ଙ୍କୁ ମିଶାଇ ଜିଲ୍ଲାରେ ମୋଟ ପଜିଟିଭ ସଂଖ୍ୟା ୫୭୨ ରେ ପହଞ୍ଚିଥିବା ବେଳେ ସେମାନଙ୍କ ମଧ୍ୟରୁ ୪୦୯ ଜଣ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରିଛନ୍ତି । ୧୬୧ ଜଣ କୋରୋନା ଆକ୍ରାନ୍ତ ହସ୍ପିଟାଲରେ ଚିକିତ୍ସାଧୀନ ଅଛନ୍ତି । ୪୨ ଜଣ ଡାକ୍ତର ଙ୍କ ପରାମର୍ଶ କ୍ରମେ ହୋମ ଆଇସୋଲେସନରେ ରହି ଚିକିତ୍ସିତ ହେଉଥିବା ନେଇ ସୂଚନା ଦେଇଛନ୍ତି ଜିଲ୍ଲାପାଳ ।