ରାଇରଙ୍ଗପୁର: ବିବାହିତା ମହିଳାଙ୍କ ସନ୍ଦେହଜନକ ମୃତ୍ୟୁ। ବାପଘର ପକ୍ଷରୁ ଯୌତୁକ ଜନିତ ହତ୍ୟା ଅଭିଯୋଗ । ପୋଲିସର ଛାନଭିନ ଆରମ୍ଭ। ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଆହାରବନ୍ଧ ଗ୍ରାମର ନାୟକ ସାହିରେ ଘଟିଛି ଏଭଳି ଘଟଣା। ମୃତ ମହିଳା ଜଣକ ଗ୍ରାମର ଉପେନ୍ଦ୍ର ବାରିକଙ୍କ ସ୍ତ୍ରୀ ସନ୍ଧ୍ୟାରାଣୀ ବାରିକ ।
ମହିଳାଙ୍କ ମୃତ୍ୟୁ ଖବର ପାଇ ବାପଘର ଲୋକେ ଝିଅକୁ ହତ୍ୟା କରାଯାଇଥିବାର ଥାନାରେ ଅଭିଯୋଗ କରିଥିଲେ । ପରେ ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କ ମୃତଦେହ ପଲଙ୍କ ଉପରେ ପଡିଥିବାର ଦେଖିବାକୁ ପାଇଥିଲା । ତେବେ ମହିଳା ଜଣଙ୍କ ଘର ଭିତର ପଟୁ କବାଟ ଦେଇ ଶାଢୀରେ ଆତ୍ମହତ୍ୟା କରିଥିଲେ ପରେ ଆଣି ଜାଣିପାରି କବାଟ ଭାଙ୍ଗି ମୃତଦେହକୁ ପଲଙ୍କ ଉପରେ ଶୁଆଇଥିବା କହିଛନ୍ତି ଶାଶୂଘର ଲୋକେ ।
ସେପଟେ ଯୌତୁକ ପାଇଁ ଝିଅକୁ ଶାଶୂଘର ଲୋକେ ଶାରୀରିକ ଓ ମାନସିକ ନିର୍ଯ୍ୟାତନା ଦେଉଥିଲେ । ଯୌତୁକ ନମିଳିବାରୁ ତାଙ୍କୁ ମାରିଦେଇଛନ୍ତି ବୋଲି ଥାନାରେ ଅଭିଯୋଗ କରିଛନ୍ତି ମହିଳାଙ୍କ ବାପା । ଝିଅର ମୃତ୍ୟୁକୁ ନେଇ ଝିଅର ସ୍ବାମୀ, ଶାଶୂ, ଶ୍ବଶୁର, ନଣନ୍ଦ ଓ ନଣନ୍ଦେଇଙ୍କ ନାଁରେ ସେ ଥାନାରେ ଅଭିଯୋଗ କରିଛନ୍ତି।