ବାରିପଦା: ପରକୀୟା ପ୍ରୀତି ନେଲା ଜୀବନ । ଯୋଜନାବଦ୍ଧ ଭାବେ ନିଜ ପ୍ରେମିକ ସହ ମିଶି ସ୍ବାମୀକୁ ହତ୍ୟା କଲା ସ୍ତ୍ରୀ ଲକ୍ଷ୍ମୀ ପ୍ରିୟା ବାରିକ । ଏପରି ଘଟଣା ଘଟିଛି ରାସଗୋବିନ୍ଦପୁର ଥାନା ଅନ୍ତର୍ଗତ କିଆଖାଳି ଗାଁରେ । ରବିବାର ବାଲେଶ୍ଵର ଜିଲ୍ଲା ରାଇବଣିଆ ଅଞ୍ଚଳରୁ ମୟୂରଭଞ୍ଜ ଜିଲ୍ଲା କିଆଖାଳି ଗାଁର ଶଙ୍କର୍ଷଣ ବାରିକଙ୍କ ଶବକୁ ଉଦ୍ଧାର କରାଯାଇଥିଲା । ଯାହାର ପର୍ଦ୍ଦାଫାସ କରିଛି ରାସଗୋବିନ୍ଦପୁର ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସୂଚନାମୁତାବକ, ସ୍ବାମୀ ଶଙ୍କର୍ଷଣ ବାରିକ, ସ୍ତ୍ରୀ ଲକ୍ଷ୍ମୀପ୍ରିୟା ଓ ଦୁଇ ପିଲା ରାତ୍ରି ଭୋଜନ ସାରି ଶୋଇଥିଲେ । ହଠାତ ବିଳମ୍ବିତ ରାତିରେ ଲକ୍ଷ୍ମୀପ୍ରିୟାର ପ୍ରେମିକ ବସ୍ତା ଥାନା ଜୁଳବନ୍ଧା ଗାଁର ସପନ ଦାସ ଔରଫ ଦିପୁ ପ୍ରେମିକା ଘରେ ପହଞ୍ଚିଥିଲା । ଏହାପରେ କୌଣସି କଥାକୁ ନେଇ ଆରମ୍ଭ ହୋଇଥିଲା ପାଟିତୁଣ୍ଡ । ଘରେ କେହି ନ ଥିବା ସୁଯୋଗ ନେଇ ପ୍ରେମିକ ସପନ ଶଙ୍କର୍ଷଣଙ୍କ ତଣ୍ଟିକୁ ଚିପି ରଖିଥିବା ବେଳେ ପ୍ରେମିକକୁ ସହଯୋଗ କରିଥିଲେ ସ୍ତ୍ରୀ ।