ବାରିପଦା : ମୟୂରଭଞ୍ଜ ଜିଲ୍ଲା ମୋରଡା ତହସିଲଦାରଙ୍କୁ ଗ୍ରାମାବାସୀ ଅଟକ ରଖିବା ଘଟଣା । ରାସ୍ତା ନିର୍ମାଣ ପାଇଁ ପ୍ରତିଶୃତି ଦେବା ପରେ ମୋରଡା ତହସିଲଦାର ପ୍ରିୟଦର୍ଶନୀ ମଲ୍ଲିକଙ୍କୁ ଛାଡିଲେ ଗ୍ରାମବାସୀ ।
ତହସିଲଦାରଙ୍କୁ ଅଟକ ଘଟଣା, ରାସ୍ତା ନିର୍ମାଣ ପ୍ରତିଶୃତି ପରେ ଛାଡିଲେ ଗ୍ରାମବାସୀ
ସୂଚନାଅନୁଯାୟୀ ମଙ୍ଗଳବାର ମୟୂରଭଞ୍ଜ ଜିଲ୍ଲା ମୋରଡା ତହସିଲ ଅନ୍ତର୍ଗତ ବଡମୁଣ୍ଢାବଣି ଗାଁ ରେ ପହଞ୍ଚି ବେଆଇନ ବାଲିଘାଟ ବନ୍ଦ ସହ ନଦୀକୁ ଯାଇଥିବା ରାସ୍ତାକୁ ଜେସିବି ଲଗାଇ ଖୋଳି ଦେଇଥିଲେ । ଗ୍ରାମବାସୀଙ୍କ ଅଭିଯୋଗ ଆଗକୁ ଧାନ ଅମଳର ସମୟ ଥିବାରୁ ରାସ୍ତା ଖୋଳିଲେ ଚାଷ ଜମିରୁ ଧାନ ଆଣିବାରେ ସମସ୍ୟା ସୃଷ୍ଟି ହେବ । ଏହାକୁ ନେଇ ଯାତାୟାତ ମଧ୍ୟ ବାଧାପ୍ରାପ୍ତ ହୋଇଛି । ତେବେ ତହସିଲଦାର ଖୋଳିଥିବା ରାସ୍ତାକୁ ମରାମତି କରିବା ପରେ ତହସିଲଦାରଙ୍କୁ ଗ୍ରାମବାସୀ ଛାଡିବେ ବୋଲି ବୋଲି କହିଛନ୍ତି ।