ଦିବାଲୋକରେ ଅଧ୍ୟାପିକାଙ୍କ ସୁନାଚେନ ଲୁଟିନେଲେ ଲୁଟେରା

ମୟୂରଭଞ୍ଜ ଜିଲ୍ଲା ଉଦଳା କଲେଜ ଇଂରାଜୀ ବିଭାଗର ଅଧ୍ୟାପିକାଙ୍କ ବେକରୁ ସୁନା ଚେନ ଲୁଟିନେଲେ ଦୁର୍ବୃର୍ତ୍ତ । ଏ ନେଇ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ବାରିପଦା: କଲେଜ ସାରି ଘରକୁ ଫେରୁଥୁବା ବେଳେ ସ୍ପଷ୍ଟ ଦିବାଲୋକରେ ବାଇକରେ ଆସି ବେକରୁ ସୁନା ଚେନ ଲୁଟି ନେଲେ ଲୁଟେରା । ଏଭଳି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଉଦଳା ବଜାରରେ ।

ମୟୂରଭଞ୍ଜ ଜିଲ୍ଲା ଉଦଳା କଲେଜରେ ଇଂରାଜୀ ବିଭ।ଗରେ ଅଧ୍ୟାପିକା ଥିବା ରେହେନା ସୂଲତାନ କଲେଜ ସାରି ଘରକୁ ଫେରୁଥିଲେ । ସେ ତାଙ୍କ ଘର ନିକଟରେ ପହଞ୍ଚିବାବେଳେ ହଠାତ୍ ଅଧ୍ୟାପିକାଙ୍କ ପଛପଟୁ ଦୁଇ ଜଣ ଯୁବକ ଏକ ବାଇକରେ ଆସି ବେକରୁ ସୁନାଚେନ ଲୁଟି ନେଇଥିବା ଅଭିଯୋଗ ହୋଇଛି । ତେବେ ଘଟଣାସ୍ଥଳରୁ କେବଳ ମହିଳାଙ୍କ ଚେନରେ ଲାଗିଥିବା ଲକେଟ ମିଳିଛି । ସୁନାଚେନର ମୂଲ୍ୟ ପ୍ରାୟ ଏକ ଲକ୍ଷ ଟଙ୍କା ହେବ ବୋଲି ଅଧ୍ୟାପିକା କହିଛନ୍ତି । ଏ ନେଇ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ