ବାରିପଦା: ଶିକାର କରିବାକୁ ଯାଇ ଫସିଲେ ଶିକାରୀ । ଶିମିଳିପାଳ କୋର ଏରିଆରୁ ଶିକାର କରି ଫେରୁଥିବା ବେଳେ ଦୁଇ ଜଣ ଶିକାରୀଙ୍କୁ ଗିରଫ କରିଛି ଶିମିଳିପାଳ ବ୍ୟାଘ୍ର ପ୍ରକଳ୍ପର ଟିମ୍ । ଗିରଫ ଶିକାରୀ ହେଲେ ବାଲିନାଳ ଅଞ୍ଚଳର ସାନିଆ ମୁଣ୍ଡା ଓ ସସିବିଲର ଭଞ୍ଜ କିସ୍ତୁ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ ଉଭୟଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ, କଟୁରୀ ଏବଂ ବନ୍ୟଜନ୍ତୁ ମାଂସ ଜବତ ହୋଇଛି । ଏମାନେ ଶନିବାର ଶିମିଳିପାଳର ଉପର ବାରହାକାମୁଡା ରେଞ୍ଜ ଭଞ୍ଜବସା ନିକଟରୁ ଗିରଫ କରାଯାଇଛି । ତେବେ ଗିରଫ ପରେ ଉଭୟଙ୍କୁ ଉଦଳା ଏସଡିଜେଏମ୍ କୋର୍ଟରେ ହାଜର କରିବା ପରେ କୋର୍ଟଚାଲାଣ କରାଯାଇଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
