ସରକାରୀ ଅଫିସରୁ ଚୋରିକରି 2 ଗିରଫ

ମୟୂରଭଞ୍ଜର ଝାରପୋଖରିଆ ଥାନା ଅଧିନରେ ଥିବା ପିଡିସି ଅଫିସ ଝରକା, କବାଟ ଭାଙ୍ଗି ଲୁଟ୍ ।

ବାରିପଦା: ମୟୂରଭଞ୍ଜର ଝାରପୋଖରିଆ ଥାନା ଅଧିନରେ ଥିବା ପିଡିସି ଅଫିସରୁ ଲୁଟ୍ । ଝରକା, କବାଟ ଭାଙ୍ଗି ଚୋରି କରିଛନ୍ତି ଦୁର୍ବୃତ୍ତ ।

ତେବେ ସାରସକଣା ବ୍ଲକର ମୃର୍ତ୍ତିକା ସଂରକ୍ଷଣ ଅଫିସର ଅଧିକାରୀ ମନୋଶ୍ବନି ସାହୁଙ୍କ ଲିଖିତ ଅଭିଯୋଗ ଅନୁସାରେ, ରବିବାର ବିଳମ୍ବିତ ରାତିରେ ସରକାରୀ ଅଫିସର କବାଟ, ଝରକା ତାଡି ଦୁର୍ବୃତ୍ତ ଘର ଭିତରେ ଥିବା କିଛି ଆସବାବପତ୍ର ନେଇଯାଇଥିଲେ । ଯାହାକୁ ଭିତ୍ତିକରି ଏକ ମାମଲା ରୁଜୁକରି ତଦନ୍ତ କରିଥିଲା ପୋଲିସ ।

ତଦନ୍ତ ପରେ ପୋଲିସ ଝାରପୋଖରିଆ ଅଞ୍ଚଳର ଘିଆଯୋଡି ଗ୍ରାମର ଟୁଲୁ ଦେହୁରୀ ଓ ଖୋକନ ଦେହୁରୀଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ