ବାରିପଦା: ଶିକ୍ଷା ବିଭାଗର ଖମଖିଆଲି ନୀତି ଯୋଗୁଁ ବଳିପଡିଲେ ଛାତ୍ର । ସ୍କୁଲ କର୍ତ୍ତୃପକ୍ଷ କାହ୍ନୁର ଏନରୋଲମେଣ୍ଟ ନମ୍ବର ଭୁଲ ଦେବା ଯୋଗୁଁ ଉଚ୍ଚଶିକ୍ଷାରୁ ବଞ୍ଚିତ ହୋଇଛନ୍ତି ଛାତ୍ର କାହ୍ନୁ ସିଂ । ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ଖୁଣ୍ଟାପୁର ରେ ଥିବା ସତ୍ୟସାଇ ବିଦ୍ୟାପୀଠର ଦଶମ ଶ୍ରେଣୀର ଆଦିବାସୀ ଛାତ୍ରଙ୍କ ସହ ଘଟିଛି ଏମିତି ଘଟଣା ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଚଳିତ ବର୍ଷ କାହ୍ନୁ ଦଶମ ଶ୍ରେଣୀ ପରୀକ୍ଷା ଦେଇଥିଲେ ତେବେ ସ୍କୁଲ କର୍ତ୍ତୃପକ୍ଷ କାହ୍ନୁର ଏନରୋଲମେଣ୍ଟ ଭୁଲ ଯୋଗୁଁ ତାଙ୍କର ପରିକ୍ଷାଫଳ ବାହାରିନାହିଁ । ଦୀର୍ଘଦିନ ହେବ ଏ ବାବଦରେ କାହ୍ନୁଙ୍କ ପରିବାରବର୍ଗ ଜିଲ୍ଲା ଶିକ୍ଷାଧିକାରୀଙ୍କୁ ଜଣାଇ ଥିଲେ ମଧ୍ୟ ସେ ଏନେଇ କୌଣସି ପଦକ୍ଷେପ ନେଇନଥିଲେ । ଯାହାକୁ ନେଇ ଆଜି କାହ୍ନୁଙ୍କ ପରିବାର ତଥା ଗ୍ରାମବାସୀ ସ୍କୁଲ ତାଲା ପକାଇ ନ୍ୟାୟ ମାଗିଥିଲେ ।