ରାଇରଙ୍ଗପୁର: ମାତିଛନ୍ତି ବାଘ ଶିକାରୀ । ପୁଣି ମୟୂରଭଞ୍ଜରୁ ଜବତ ହେଲା ବାଘଛାଲ । ରାଇରଙ୍ଗପୁର ବନଖଣ୍ଡ ବିଶୋଇ ରେଞ୍ଜ ଅନ୍ତର୍ଗତ ଚଟାଣି ବସଷ୍ଟାଣ୍ଡରେ ଏକ କଲରାପତିରିଆ ବାଘଛାଲର ଡିଲ୍ କରୁଥିଲେ ଶିକାରୀ । ତେବେ କୌଣସି ସୂତ୍ରରୁ ଖବର ପାଇ ଘଟଣାସ୍ଥଳରେ STF ଟିମ୍ ପହଞ୍ଚି ବାଘଛାଲ ଜବତ କରିବା ସହ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି ।
ପୁଣି ମୟୂରଭଞ୍ଜରୁ ବାଘଛାଲ ଜବତ, ଡିଲ୍ ବେଳେ ମାଡିବସିଲା STF
ଗିରଫ ଅଭିଯୁକ୍ତ ପଳାଶବଣି ଗ୍ରାମର ଅଜିତ କୁମାର ଗିରି ଓ ଖୁଣ୍ଟା ଥାନା ଯଦୁରଘେରା ଗ୍ରାମର ଚନ୍ଦ୍ରକାନ୍ତ କାର୍ଜି ବୋଲି ଜଣା ପଡ଼ିଛି । STF ଟିମ୍ ଜବତ କରିଥିବା ବାଘଛାଲ ୪ ଫୁଟ ଲମ୍ବ ଓ ଓସାର ଦୁଇ ଫୁଟ ବୋଲି ସୂଚନା ଦେଇଛି STF ଟିମ୍ । ଗିରଫ ଅଭିଯୁକ୍ତଙ୍କ ନିକଟରୁ ଦୁଇଟି ବାଇକ ମଧ୍ୟ ଜବତ ହୋଇଛି । ଏହି ଘଟଣାରେ ଆଉ କେଉଁମାନେ ସାମିଲ ରହିଛନ୍ତି ସେନେଇ ତଦନ୍ତ ଜାରି ରହିଛି ।