ବାରିପଦା: ଝିଅ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ବାପା । ଚତୁର୍ଥ ପର୍ଯ୍ୟାୟରେ ମୟୂରଭଞ୍ଜରେ ହେବ ନିର୍ବାଚନ । ଏଥିପାଇଁ ଜୋରଦାର ପ୍ରଚାର ଦେଖିବାକୁ ମିଳୁଛି । ଝିଅ ଅଞ୍ଜନୀ ସୋରେନଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଇଛନ୍ତି ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଏମ୍ଏମ୍ ସୁପ୍ରିମୋ ଶିବୁ ସୋରେନ୍ । ଗାଁ ଗାଁ ବୁଲି ଝିଅ ପାଇଁ ପ୍ରଚାର କରିଛନ୍ତି ଶିବୁ ।
ଭିଡିଓ ସୌଜନ୍ୟ: ସମ୍ବାଦଦତା ମୟୂରଭ୍ଞ୍ଜ
ମୟୂରଭଞ୍ଜ ନିର୍ବାଚନମଣ୍ଡଳୀରେ ପ୍ରଚାର କରିଛନ୍ତି ଶିବୁ ସୋରେନ୍ । ଜିଲ୍ଲାରେ ଆଗାମୀ ନିର୍ବାଚନ ଲଢିବା ନିମନ୍ତେ କଂଗ୍ରେସ୍ ଏବଂ ଜେଏମଏମ ମେଣ୍ଟ ହୋଇଛି । ଲୋକସଭା ନିମନ୍ତେ ଜେଏମ୍ଏମ୍ ପକ୍ଷରୁ ଶିବୁ ସୋରେନ୍ଙ୍କ ଝିଅ ଅଞ୍ଜନୀ ସୋରେନ୍ ନିର୍ବାଚନ ଲଢ଼ୁଛନ୍ତି । ତେବେ ନିର୍ବାଚନ ପ୍ରଚାରକୁ ଜୋରଦାର କରିବା ନିମନ୍ତେ ଆଜି ଝିଅର ପ୍ରଚାର କରିଛନ୍ତି ବାପା ଶିବୁ ସରେନ୍ ।