ବାରିପଦା: ବାଲି ଚାଲାଣକୁ ବିରୋଧ କରିବାରୁ ବାଲି ମାଫିଆ ମାନେ ଜେସିବିରେ ଚାପି ଯୁବକଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ରାମଚନ୍ଦ୍ରପୁର ଗାଁରେ ଗତକାଲି ବିଳମ୍ବିତ ରାତ୍ରିରେ ଘଟିଛି ଏଭଳି ଘଟଣା। କିଛି ବାଲି ମାଫିଆ ମାନେ ଜମ୍ଭିରା ନଦୀରୁ ବାଲି ଉତ୍ତୋଳନ କରି ରାମଚନ୍ଦ୍ରପୁର ଗାଁ ଦେଇ ଦିନରାତି ବାଲି ଚାଲାଣ କରୁଥିବା ବେଳେ ରାମଚନ୍ଦ୍ରପୁର ଗାଁ ର ମିଣ୍ଟୁ ତରେଇ ଏହାକୁ ବିରୋଧ କରିବାରୁ ଯୁବକଙ୍କୁ ଜେସିବିରେ ଚାପି ହତ୍ୟା କରିଥିବା ଅଭିଯୋଗ ହୋଇଅଛି।
ଧାରଣାରେ ବସିଥିବା ପରିବାରକୁ ପ୍ରସାଶନର କ୍ଷତିପୂରଣ ପ୍ରତିଶୃତି
ଯୁବକ ଜଣଙ୍କ ମାଲକାନଗିରି ରେ ଆଇଆରବିରେ ଯବାନ ଭାବେ ନିୟୋଜିତ ଥିଲେ । ତେବେ ଯବାନ ଜଣଙ୍କ ଚାକିରୀ ସମୟରେ ଉପରିସ୍ଥ ଅଫିସରଙ୍କୁ ମାଡ ମାରି ଚାକରିରୁ ନିଲମ୍ବିତ ହୋଇ ଘରେ ଥିଲେ। ତେବେ ହତ୍ୟାକାରୀଙ୍କୁ ତୁରନ୍ତ ଗିରଫ ସହ ଯୁବକଙ୍କ ପରିବାର ବର୍ଗଙ୍କୁ କ୍ଷତିପୂରଣ ଦାବିରେ ଅମରଦା-ଚିତ୍ରଡା ରୋଡ ଦୀର୍ଘ ୮ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ଅଵରୋଧ କରିଥିଲେ ଗ୍ରାମବାସୀ।