ଗଛରେ ପିଟିହେଲା ରୋଗୀ ନେଇଯାଉଥିବା ସ୍କର୍ପିଓ; ଜଣେ ମୃତ, 3 ଗୁରୁତର

ମୟୂରଭଞ୍ଜ ଜିଲ୍ଲା 53 ନମ୍ବର ରାଜ୍ୟ ରାଜପଥ କୁଡୁମା ଗ୍ରାମ ନିକଟରେ ସଡକ ଦୁର୍ଘଟଣା । ଭାରସାମ୍ୟ ହରାଇ ଗଛରେ ପିଟିଲା ରୋଗୀ ନେଉଥିବା ସ୍କର୍ପିଓ । ଦୁର୍ଘଟଣାରେ ରୋଗୀ ମୃତ, 3 ଗୁରୁତର ।

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା 53 ନମ୍ବର ରାଜ୍ୟ ରାଜପଥ କୁଡୁମା ଗ୍ରାମ ନିକଟରେ ସଡକ ଦୁର୍ଘଟଣା । ଭାରସାମ୍ୟ ହରାଇ ଗଛରେ ପିଟିଲା ରୋଗୀ ନେଇ ହସ୍ପିଟାଲ ଯାଉଥିବା ସ୍କର୍ପିଓ । ଜଣେ ମୃତ, 3 ଜଣ ଗୁରୁତର ଆହତ । ଡାକ୍ତରଖାନାରେ ଭର୍ତ୍ତି । ମୃତକ ତିରିଂ ଥାନା ବଡକେଡମ ଗ୍ରାମର ଧନପତି ବେହେରା ବୋଲି ଜଣାପଡିଛି।

ବିଳମ୍ବିତ ରାତିରେ ତିରିଂ ଥାନା ଝରାଡିହି ଅଞ୍ଚଳରୁ ଜଣେ ରୋଗୀଙ୍କୁ କଟକ ବଡ ମେଡିକାଲ ନେଇଯାଉଥିବା ସ୍କର୍ପିଓଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା । ଫଳରେ ରୋଗୀଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ଡ୍ରାଇଭରଙ୍କ ସମେତ 3 ଜଣ ଗୁରୁତର ଆହତ ହୋଇଛନ୍ତି ।

ସେମାନଙ୍କୁ ପ୍ରଥମେ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହେବାରୁ ତିନି ଜଣଙ୍କୁ କଟକ ବଡମେଡିକାଲକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣା ରାତିରେ ହୋଇଥିବାରୁ ଅନେକ ସମୟ ଧରି ଏମାନେ ଗାଡିରେ ଫସି ରହିଥିଲେ । ଫଳରେ ରୋଗୀଙ୍କର ମୃତ୍ୟୁ ଘଟିଥିବା କୁହାଯାଉଛି । ସେପଟେ ଦୁର୍ଘଟଣା ଖବର ପାଇ କରଞ୍ଜିଆ ପୋଲିସ ଏବଂ ଅଗ୍ନିଶମ ବିଭାଗ ସେମାନଙ୍କୁ ଉଦ୍ଧାର କରିଥିଲା ।

ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ