ବାରିପଦା: ତହସିଲଦାରଙ୍କୁ ଅଶାଳୀନ ବ୍ୟବହାର ଅଭିଯୋଗରେ ବିଜେପି ନେତାଙ୍କ ଘରେ ପୋଲିସର ଚଢ଼ଉ । ମୟୂରଭଞ୍ଜ ଜିଲ୍ଲା ପୂର୍ବତନ ଜିଲ୍ଲା ବିଜେପି ସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ କୃଷ୍ଣଚନ୍ଦ୍ର ମହାପାତ୍ରଙ୍କ ବାରିପଦାସ୍ଥିତ ବାସଭବନ ଉପରେ ଅଚାନକ ସଶସ୍ତ୍ର ପୁଲିସ୍ ଚଢ଼ଉ କରିଛି ।
ପୂର୍ବତନ ମୟୂରଭଞ୍ଜ ଜିଲ୍ଲା ବିଜେପି ସଭାପତିଙ୍କ ଘରେ ପୋଲିସ୍ ଚଢାଉ
ମୟୂରଭଞ୍ଚ ଜିଲ୍ଲା ବିଜେପିର ପୂର୍ବତନ ସଭାପତି କୃଷ୍ଣଚନ୍ଦ୍ର ମହାପାତ୍ରଙ୍କ ବିରୋଧରେ ରାସଗୋବିନ୍ଦପୁର ତହସିଲଦାର ପ୍ରଭାତ କୁମାର ମହାପାତ୍ର ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତିକରି ରାସଗୋବିନ୍ଦପୁର ପୋଲିସ ପୂର୍ବତନ ବିଜେପି ସଭାପତିଙ୍କ ବାସଭବନରେ ତାଙ୍କୁ ଗିରଫ କରିବାକୁ ଚଢ଼ାଉ ହୋଇଥିବା ଜଣାପଡ଼ିଛି । ତେବେ ପୋଲିସ୍ ଚଢ଼ାଉ ପୂର୍ବରୁ ସେ ଖସିଯାଇଥିବା ପୁଲିସ୍ ସୂତ୍ରରୁ ଜଣାପଡ଼ିଛି ।