ରାଇରଙ୍ଗପୁର: ପୁଣି ଖଟିଆରେ ବୁହା ହେଲେ ଗର୍ଭବତୀ । ଏଭଳି ଦୁଃଖଦ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଶୁକୃଳି ବ୍ଲକ ଅନ୍ତର୍ଗତ ଚତୁରାଞ୍ଜଳି ଗ୍ରାମପଞ୍ଚାୟତ ଅଧୀନରେ ଥିବା ଜେଠମା ଗ୍ରାମରେ । ଗ୍ରାମର ନାୟକ ସାହିର ଜଣେ ଜନୈକ ମହିଳାଙ୍କୁ ଗର୍ଭ ଯନ୍ତ୍ରଣା ହୋଇଥିଲା । ତେଣୁ ପରିବାର ଲୋକେ 102 ଆମ୍ବୁଲାନ୍ସକୁ ଖବର ଦେଇଥିଲେ ।
ହେଲେ ଗାଁକୁ ଯିବା ପାଇଁ ଭଲ ରାସ୍ତା ନ ଥିବାରୁ ଆମ୍ବୁଲାନ୍ସ ପାଖାପାଖି 2 କିମି ଦୂରରେ ଅଟକି ରହିଥିଲା । ଏହାପରେ ମହିଳାଙ୍କୁ ତାଙ୍କ ପରିବାର ଲୋକେ 2 କିଲୋମିଟର ଏକ ଖଟିଆରେ ବୋହି ନେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର ପରେ ସେଠାରୁ ଆମ୍ବୁଲାନ୍ସ ଯୋଗେ ଶୁକୃଳି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ତେବେ ବାରମ୍ବାର ରାଜ୍ୟରେ ଏପରି ସମ୍ବେଦନଶୀଳ ଘଟଣା ଘଟୁଥିଲେ ମଧ୍ୟ ସରକାର କାହିଁକି ସଜାଗ ହୋଇପାରୁନାହାଁନ୍ତି ତାହା ଏବେ ଲୋକଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି ।
ଅପରପକ୍ଷେ, ରାଜ୍ୟ ସରକାର ବିଭିନ୍ନ ପ୍ରକାରର ସାହାଯ୍ୟ ସହଯୋଗ ତଥା ଯୋଜନା ପରେ ଯୋଜନାର ଡିଣ୍ଡିମ ପିଟୁଛନ୍ତି । କିନ୍ତୁ ସ୍ବାଧୀନତାର ୭୦ବର୍ଷ ପରେ ମଧ୍ୟ ଏମିତି କିଛି ଗ୍ରାମ ରହିଛି, ଯେଉଁଠିକି ଯାତାୟତ ପାଇଁ ଭଲ ରାସ୍ତାଟିଏ ନାହିଁ । ଏହି ଘଟଣା ପରେ ପ୍ରଶାସନ କେବେ ତତ୍ପରତା ଦେଖାଇବ ତାହା ଏବେ ସମୟ କହିବ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
