ମୟୂରଭଞ୍ଜ: ପିଚୁ ଗାଡିରେ ପିଟି ହୋଇ ୨ ଜଣ ଯୁବକ ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ୧୮ ନଂ ଜାତୀୟ ରାଜପଥ ମଞ୍ଚାବନ୍ଧାଠାରେ। ଆହତମାନେ ସ୍ଥାନୀୟ ସ୍ବରୂପ ଭିଲ୍ଲା ଅଞ୍ଚଳର ଗଣନାଥ ମହାକୁଡ ଏବଂ ବିଜୟ କୁମାର ମହାକୁଡ ବୋଲି ଜଣାପଡିଛି ।
ସୂଚନା ଅନୁଯାୟୀ, ସୋମବାର ମୟୂରଭଞ୍ଜର ୧୮ ନଂ ଜାତୀୟ ରାଜପଥ ମଞ୍ଚାବନ୍ଧାଠାରେ ୪ ଲେନ୍ ରାସ୍ତାକାମ ଚାଲୁଥିବା ବେଳେ ପିଚୁ ବୋଝେଇ ଡମ୍ପର ରାସ୍ତାରେ ପିଚୁ ଓହ୍ଲାଉଥିଲା। ତେବେ ଗ୍ରାମବାସୀଙ୍କ କହିବା ଅନୁସାରେ ଗଣନାଥ ଏବଂ ବିଜୟ ଏକ ବାଇକରେ ରାସ୍ତାକଡରେ ଛିଡା ହୋଇଥିବା ବେଳେ ଉକ୍ତ ଟ୍ରକଟି ପଛପଟୁ ସେମାନଙ୍କୁ ଧକ୍କା ଦେଇଥିଲା। ଯାହାଫଳରେ ସେମାନଙ୍କ ଉପରେ ପିଚୁ ଢାଳି ହୋଇ ୨ ଜଣ ଆହତ ହୋଇଥିଲେ।