ରାଇରଙ୍ଗପୁର: ପୁଣି ୩ କିଲୋମିଟର ଖଟିଆରେ ବୁହାହେଲେ ରୋଗୀ । ସ୍ବାଧୀନତାର ୭୩ ବର୍ଷ ବିତି ଯାଇଥିଲେ ମଧ୍ୟ ଏମିତି କିଛି ଅଞ୍ଚଳ ରହିଛି ଯେଉଁ ଅଞ୍ଚଳ କି ବର୍ତ୍ତମାନ ବି ଅପହଞ୍ଚ। ସାମାନ୍ୟ ବର୍ଷାରେ ଲୋକେ କାଦୁଅ ପଚପଚରେ ବିପଦ ସଙ୍କୁଳ ଅବସ୍ଥାରେ ଗମନାଗମନ କରୁଥିବା ବେଳେ ଲଗାଣ ବର୍ଷାରେ ସେମାନେ ବାହ୍ୟ ଜଗତରୁ ବିଚ୍ଛିନ୍ନ ହେଇଯାନ୍ତି ।
ପୁଣି ୩ କିଲୋମିଟର ଖଟିଆରେ ବୁହାହେଲେ ରୋଗୀ
ମୟୂରଭଞ୍ଜ ଜିଲ୍ଲା ଜଶୀପୁର ବ୍ଲକ ପୋଡ଼ାଗଡ଼ ପଞ୍ଚାୟତର କାଶିପାଳ ଗାଁ ଲୋକେ ଭଲ ରାସ୍ତା ନଥିବାରୁ ନାହିଁ ନଥିବା ଅସୁବିଧାରେ ସମ୍ମୁଖିନ ହେଉଛନ୍ତି। ଆଜି ସେହି ଗାଁ କୁ ଆମ୍ବୁଲାନ୍ସ ପହଞ୍ଚି ନ ପାରିବାରୁ ଜଣେ ରୋଗୀକୁ ଗାଁ ଲୋକେ ୩ କିମି ଖଟିଆରେ ବୋହି ଆମ୍ବୁଲାନ୍ସରେ ମେଡ଼ିକାଲକୁ ନେଇଥିଲେ।