ରାଇରଙ୍ଗପୁର : ଶିକ୍ଷୟିତ୍ରୀଙ୍କ ପାଇଁ ତାତିଲେ ଅଭିଭାବକ । ଶିକ୍ଷୟିତ୍ରୀଙ୍କୁ ବିରୋଧ କରି କାର୍ଯ୍ୟାନୁଷ୍ଠାନ ଦାବିରେ ବିଦ୍ୟାଳୟରେ ତାଲା ପକାଇଲେ ଅଭିଭାବକ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନଥାନା ଅନ୍ତର୍ଗତ କଣ୍ଟାବଣୀ ଗାଁରେ ଏପରି ଘଟଣା ଦେଖିବାକୁ ମିଳିଛି ।
ଶିକ୍ଷୟିତ୍ରୀଙ୍କୁ ବଦଳି ଦାବି,ସ୍କୁଲରେ ତାଲା ପକାଇଲେ ଅଭିଭାବକ
ସୂଚନା ଅନୁଯାୟୀ, କଣ୍ଟାବଣୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ମୋଟ ୬୭ ଜଣ ଛାତ୍ରଛାତ୍ରୀ ପଢ଼ୁଥିବା ବେଳେ ପାଞ୍ଚ ଜଣ ଶିକ୍ଷୟିତ୍ରୀ ଅଛନ୍ତି । ତେବେ ଶିକ୍ଷୟିତ୍ରୀ ବନ୍ଦନା ମହାନ୍ତି ୨୦୧୫ ରୁ ଏବେ ଯାଏଁ ସ୍କୁଲକୁ ସଠିକ ସମୟରେ ନ ଆସିବା ଏବଂ ସ୍କୁଲ ଆସି ଅଳ୍ପ ସମୟ ସ୍କୁଲରେ ରହି ପୁଣି ଘରକୁ ପଳେଇ ଯିବା ନେଇ ଅଭିଯୋଗ ହୋଇଛି । ପ୍ରତ୍ୟେକ ଦିନ ଶିକ୍ଷୟିତ୍ରୀ ଜଣକଙ୍କ କାର୍ଯ୍ୟକଳାପକୁ ନେଇ ଅଭିଭାବକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।