ବାରିପଦା: ସ୍ବାସ୍ଥ୍ୟ ବିଭାଗର ସରକାରୀ ଗାଡିକୁ ଭଡ଼ା ସୂତ୍ରରେ ବ୍ୟବହାର କରି ରୋଜଗାର କରୁଛି ଡ୍ରାଇଭର। ମୟୂରଭଞ୍ଜ ଜିଲ୍ଲା ଉଦଳା ବଜାରରେ ଗାଡିକୁ ଅଟକ ରଖି ପୋଲିସକୁ ଜିମା ଦେଇଛନ୍ତି ଲୋକେ। ନୀଳଗିରି ମେଡିକାଲ ଅଧୀନ ଇଶ୍ବରପୁର ସିଏଚସିରେ ନିୟୋଜିତ ଥିବା ଏକ ବୋଲେରୋରେ ଲୋକ ଭର୍ତ୍ତି ହୋଇ ଯାଉଥିବା ବେଳେ ସନ୍ଦେହ ହେବାରୁ ମୟୂରଭଞ୍ଜ ଜିଲ୍ଲା ଉଦଳା ଠାରେ ସ୍ଥାନୀୟ ଲୋକେ ଅଟକାଇ ଥିଲେ।
ସରକାରୀ ଗାଡିକୁ ଭଡ଼ାରେ ଲଗାଇଲେ ମାଲିକ, ପୋଲିସ ଜିମା ଦେଲେ ଲୋକେ
ତେବେ ଗାଡିକୁ ଅଟକାଇବା ସହିତ ଗାଡ଼ିରେ ଥିବା ଲୋକଙ୍କୁ ପଚରାଉଚରା ପରେ ଜଣାପଡିଥିଲା ଯେ ଗାଡିଟି ଗତ 4 ଦିନ ହେବ ନୁଦଡିହା ଅଞ୍ଚଳର ମାଲଗଡିକୁ ପୂଜା ପାଇଁ ଭଡା ସୂତ୍ରରେ ନେଇ ଆସିଛନ୍ତି ଲୋକେ। ପୂଜା ସାରି ନିଜ ଘର ସନ୍ତରାଗଡିଆ ନିକଟ ଅସ୍ତିଆ ଗ୍ରାମକୁ ଯାଉଥିବା ବେଳେ ସ୍ଥାନୀୟ ଲୋକେ ଗାଡିଟିକୁ ଉଦଳା ଠାରେ ଅଟକାଇଥିଲେ। ଗାଡିଟି ଇଶ୍ବରପୁର ସିଏଚସିରେ କାର୍ଯ୍ୟ ନିମନ୍ତେ ନିୟୋଜିତ ହୋଇଥିବା ବେଳେ ସରକାରୀ ଗାଡିଟି ପ୍ରାଇଭେଟ ଭାବେ ଭଡାରେ ନେଇ ବୁଲୁଛନ୍ତି ଲୋକେ।