ରାଇରଙ୍ଗପୁର: ଜିଲ୍ଲାରେ ଥମିବାର ନାଁ ଧରୁନି ହାତୀ ଆତଙ୍କ। ନିକଟରେ ଜଣେ ବୃଦ୍ଧଙ୍କୁ ହାତୀ ଦଳି ମାରି ଦେଇଥିବା ବେଳେ 10ରୁ ଅଧିକ ଘର ଭାଙ୍ଗି ନଷ୍ଟ କରିଛି । ଏଥିସହ 2ଟି ଛେଳି ଘର କାନ୍ଥ ତଳେ ଚାପି ହୋଇ ମରି ଯାଇଥିଲେ । ଏତେ ସବୁ ପରେ ବି ଥମିନି ହାତୀ ଆତଙ୍କ । ବୁଧବାର ପ୍ରକାଶ ମହାନ୍ତ ନାମକ ଜଣେ ଯୁବକଙ୍କୁ ହାତୀ ଦଳି ଦେବା ଫଳରେ ଗୁରୁତର ହୋଇପଡିଛନ୍ତି ସେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ଗୁରୁତର ଅବସ୍ଥାରେ ପ୍ରକାଶଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ତେବେ ଗତ 8 ଦିନ ମଧ୍ୟରେ 30ରୁ ଅଧିକ ଘର ଭାଙ୍ଗିବା ସହିତ ଜଣଙ୍କର ମୃତ୍ୟୁ ହୋଇଥିବା ଜଣା ପଡିଛି । ଅନ୍ୟପଟେ ଜଣେ ଯୁବକ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।