ରାଇରଙ୍ଗପୁର : ମର୍ଣ୍ଣିଂ ୱାକ୍ ହେଲା କାଳ । ଅଜଣା ଗାଡ଼ି ଧକ୍କାରେ ଚାଲିଗଲା ଯୁବକଙ୍କ ଜୀବନ । ଆଜି(ଗୁରୁବାର) ସକାଳେ ମୟୂରଭଞ୍ଜ ଜିଲ୍ଲା ବହଳଦା ଥାନା ଅଞ୍ଚଳରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି । ମୃତ ଯୁବକ ଜଣକ ହେଲେ ଚିରୁଗୋଡା ସାହିର ଛୁଟୁନ ବୋଦ୍ରାଙ୍କ ପୁଅ ଶିବ ବୋଦ୍ରା ବୋଲି ଜଣାପଡିଛି । ଅଜଣା ଗାଡ଼ିଟି ଯୁବକ ଜଣଙ୍କ ଉପରେ ଚଢ଼ିଯିବାରୁ ଘଟଣାସ୍ଥଳରେ ହିଁ ଯୁବକଙ୍କ ମୃତ୍ୟୁ ଘଟିଥିଲା ।
ସୂଚନା ଅନୁଯାୟୀ, ଆଜି ଭୋର ସକାଳ ପ୍ରାୟ ୫ଟା ବହଳଦା ଅଞ୍ଚଳ ଚିରୁଗୋଡା ସାହିର ଶିବ ବୋଦ୍ରା ପ୍ରାତଃ ଭ୍ରମଣରେ ଯାଇଥିଲେ । ତେବେ ଚାଲି ଚାଲି ବହଳଦା ବାଇପାସ୍ ଦେଇ ଯାଇଥିବା ଜାତୀୟ ରାଜପଥରେ ଯାଉଥିବା ସମୟରେ ଏକ ଅଜଣା ଟ୍ରକ ଶିବକୁ ଧକ୍କା ଦେବା ସହ ଚାପି ଦେଇ ସେଠାରୁ ଖସି ପଳାଇ ଯାଇଥିଲା । ଫଳରେ ଘଟଣାସ୍ଥଳରେ ହିଁ ଶିବ ବୋଦ୍ରାର ମୃତ୍ୟୁ ଘଟିଥିଲା । ତେବେ ଏନେଇ ଖବର ପାଇ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚିବା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା।
ଏହା ମଧ୍ୟ ପଢନ୍ତୁୃ- ରାଣୀତାଲରେ ମର୍ମନ୍ତୁଦ ସଡ଼କ ଦୁର୍ଘଟଣା: ଦୁଇ ମୃତ, ଦୁଇ ଆହତ