ରାଇରଙ୍ଗପୁର: ଜଙ୍ଗଲରେ ନିଆଁ ଲଗାଇ ଜଣେ ଗିରଫ । ମୟୂରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟର ପାଦ ଦେଶରେ ଥିବା ପକାମୁଣ୍ଡା ସଂରକ୍ଷିତ ଜଙ୍ଗଲରେ ନିଆଁ ଲଗାଇବା ଅଭିଯୋଗରେ ଜଣକୁ ଗିରଫ କରିଛି ବନବିଭାଗ । ତେବେ ଗିରଫ ହୋଇଥିବା ବୃଦ୍ଧ ଜଣକ ହେଲେ ରଘୁନାଥ ସିଂ ।
ଜଙ୍ଗଲରେ ନିଆଁ ଲଗାଇ ଜଣେ ଗିରଫ
ସୂଚନା ଅନୁସାରେ, ମଙ୍ଗଳବାର ସନ୍ଧ୍ୟା ସମୟରେ ଦୁଧିଆଣି ରେଞ୍ଜର ବନ କର୍ମଚାରୀ ମାନେ ପାଟ୍ରୋଲିଂ କରୁଥିଲେ । ଏହି ସମୟରେ ଜଣେ ବୃଦ୍ଧ ପକାମୁଣ୍ଡା ସଂରକ୍ଷିତ ଜଙ୍ଗଲରେ ନିଆଁ ଲଗାଉଥିବା ଦେଖି ତାଙ୍କୁ ସେଠାରୁ ଗିରଫ କରିଥିଲେ । ଚଳିତ ବର୍ଷ ଶିମିଳିପାଳ ଅଭୟାରଣ୍ୟ ଏବଂ ଶିମିଳିପାଳ ପାଦ ଦେଶରେ ଥିବା ଗାଁ ଗୁଡିକରେ ବନବିଭାଗ ବ୍ୟାପକ ସଚେତନତା କରିଥିଲେ ବି ମନୁଷ୍ୟକୃତ ନିଆଁ ରୋକିବାରେ ସଫଳତା ପାଇ ପାରିନି ବନବିଭାଗ ।