ରାଇରଙ୍ଗପୁର: ବିଦେଶରେ ଭାରତୀୟ ସଂସ୍କୃତିକୁ ଉପସ୍ଥାପନ କରିବେ ଓଡ଼ିଆ ଝିଅ ପ୍ରିୟଦର୍ଶିନୀ ମହାନ୍ତ । ଅଜେର ବେଜାନ (azer baijan)ରେ ହେବାକୁ ଥିବା ‘ବାକୁ ଇଣ୍ଟରନ୍ୟାସନାଲ ୟୁଥ ଫୋରମ 2019’ରେ ଯୋଗ ଦେବା ପାଇଁ ସେ ଏକମାତ୍ର ଭାରତୀୟ ପ୍ରତିନିଧି ଭାବେ ଚୟନ ହୋଇଛନ୍ତି । ରାଇରଙ୍ଗରପୁରର ଏହି ଯୁବ ପ୍ରତିଭାଙ୍କୁ ନେଇ ସମଗ୍ର ଓଡିଶା ଏବେ ଗର୍ବିତ ।
ଅଜେର ବେଜାନର ରାଜଧାନୀ ବାକୁ ସହରରେ ଅନୁଷ୍ଠିତ Multiculturalism କାର୍ଯ୍ୟକ୍ରମରେ ମୋଟ ୨୦ଟି ଦେଶର ଯୁବକ ଯୁବତୀମାନେ ଚୟନ ହୋଇଛନ୍ତି । ସେଥିମଧ୍ୟରୁ ଭାରତର କେବଳ ପ୍ରିୟଦର୍ଶିନୀ ଚୟନ ହୋଇଛନ୍ତି । ସେଠାରେ ସେ ଭାରତୀୟ ପ୍ରଥା ସଂସ୍କୃତିକୁ ଉପସ୍ଥାପନ କରିବେ । ସମ୍ବଲପୁରୀ ପାଟ ଶାଢୀ, ଅହମଦାବାଦର ବାଟି ପ୍ରିଣ୍ଟ ଶାଢ଼ୀ, ଭାରତୀୟଙ୍କ ଖାଦ୍ୟପେୟ , ବେଶଭୂଷା, ଆଭୂଷଣ ଇତ୍ୟାଦି ସମସ୍ତ ତଥ୍ୟ ସେ ବାଣ୍ଟିବେ । ଆସନ୍ତା ୧୫ ରୁ ୨୧ ଜୁଲାଇ ପର୍ଯ୍ୟନ୍ତ ୨୦ ଟି ଦେଶର ଯୁବ ପ୍ରତିଭାଙ୍କୁ ନେଇ "Baku International Multi culturalism Centre" ପକ୍ଷରୁ ଏହି କାର୍ଯ୍ୟକ୍ରମକୁ ଆୟୋଜନ କରାଯାଇଛି ।