ଓଡିଶା

odisha

ETV Bharat / state

ଘରଡିହ ବିବାଦରୁ ହତ୍ୟାକାଣ୍ଡ - ରାଇରଙ୍ଗପୁର

ଜମି ବିବାଦକୁ ନେଇ ପୁତୁରା ଏକ ଖଣ୍ଡା ଦ୍ଵାରା ନିଜ ବଡ଼ ମାଆର ହତ୍ୟା କରିଛି । ତେବେ ଗୋରୁମହିଷାଣୀ ଥାନା ପୋଲିସ ରାଇମଣିଙ୍କର ମୃତଦେହକୁ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନା ପଠାଇବା ସହ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ଫଟୋ ସୌଜନ୍ୟ:ପ୍ରତିନିଧି, ରାଇରଙ୍ଗପୁର

By

Published : Mar 17, 2019, 10:33 AM IST

ଖବରମୁତାବକ, ଜମିବାଡ଼ି ମାପକୁ ନେଇ ରାଜପୁତ କାଳନ୍ଦୀ ଓ ତାଙ୍କ କକା ପୁଅ ଭାଇ ଧ୍ରୁବ କାଳନ୍ଦୀଙ୍କ ମଧ୍ୟରେ ଗଣ୍ଡଗୋଳ ଲାଗି ରହିଥିଲା । ଏନେଇ 2 ପରିବାର ମଧ୍ୟରେ ହାତାହାତି ହୋଇଥିଲେ । ଏଥିରେ ରାଗିଯାଇ ଧ୍ରୁବ ଏକ ଖଣ୍ଡା ଦ୍ଵାରା ନିଜ ବଡ଼ ମାଆଙ୍କୁ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ବଡମା' ରାଇମଣି କାଳନ୍ଦୀଙ୍କ ମୃତ୍ୟୁ ହୋଇଥିଲା । ଏହାପରେ ରାଇମଣି କାଳନ୍ଦୀଙ୍କ ନାତି ଗୁରୁଦେବ କାଳନ୍ଦୀ ମଧ୍ୟ ଏକ ଖଣ୍ଡା ଦ୍ଵାରା ଧ୍ରୁବଙ୍କୁ ଆକ୍ରମଣ କରି ଲହୁଲୁହାଣ କରିଦେଇଥିଲା ।

ଭିଡିଓ ସୌଜନ୍ୟ:ପ୍ରତିନିଧି, ରାଇରଙ୍ଗପୁର

ତେବେ ଖବର ପାଇ ଘଟଣାସ୍ଥଳରେ ଗୋରୁମହିଷାଣୀ ପୋଲିସ ପହଞ୍ଚି ହତ୍ୟାକାଣ୍ଡରେ ବ୍ୟବହୃତ ଖଣ୍ଡା ଏବଂ ଶାବଳକୁ ଜବତ କରିଥିଲା ଓ ଗୁରୁତର ଅବସ୍ଥାରେ ପଡିଥିବା ଧ୍ରୁବକୁ ଚିକିତ୍ସା ପାଇଁ ରାଇରଙ୍ଗପୁର ଡାକ୍ତରଖାନା ପଠାଇଥିଲା । ଏଥିସହ ପୋଲିସ ରାଇମଣିଙ୍କର ମୃତଦେହକୁ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନା ପଠାଇବା ସହ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ

ABOUT THE AUTHOR

...view details