ବାରିପଦା: ବିଦ୍ୟୁତ ବିଭାଗର ଅବହେଳାର ଶିକାର ହେଲା କଣ୍ଢେଇ। ବିଦ୍ୟୁତ ବିଭାଗର ଅବହେଳାର ପରିଣାମ ସ୍ୱରୂପ ଜୀବନ ହରାଇବାକୁ ପଡିଛି ଜଣେ ତିନିବର୍ଷର ଝିଅ କଣ୍ଢେଇକୁ। ଏଭଳି ଏକ ଦୁଃଖଦ ଘଟଣା ଘଟିଛି ବାରିପଦା ଟାଉନ ଥାନା ଅଧିନସ୍ଥ ବାହାଦୂରପୁର ଅଞ୍ଚଳରେ।
ସୂଚନା ମୁତାବକ, ବାହାଦୁରପୁର ଅଞ୍ଚଳର ସସଧାର ଦାସଙ୍କ ତିନି ବର୍ଷର ଝିଅ କଣ୍ଢେଇ ଘର ପାର୍ଶ୍ୱରେ ଯାଇଥିବା ବିଦ୍ୟୁତ ଖୁଣ୍ଟରେ ଲାଗିଥିବା ଆର୍ଥିଙ୍ଗକୁ ଧରି ଦେଇଥିଲା । ଗୁରୁତର ଅବସ୍ଥାରେ ପରିବାର ଲୋକେ ଶିଶୁଟିକୁ ସଙ୍ଗେସଙ୍ଗେ ପଣ୍ଡିତ ରଘୁନାଥ ମୁର୍ମୁ ମେଡିକାଲକୁ ନେଉଥିଲେ । ହେଲେ ଅଧାରାସ୍ତାରେ ହିଁ ଶିଶୁଟିର ଜୀବନ ଦୀପ ଲିଭି ଯାଇଛି । ଏହି ଘଟଣାକୁ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଲୋକେ ଶିଶୁଟିର ପରିବାରକୁ କ୍ଷତି ପୂରଣ ଦେବା ଦାବିରେ ଉଦଳା-ବାରିପଦା ମୁଖ୍ୟ ରାସ୍ତା ବହାଦୁରପୁର ଠାରେ ରାସ୍ତାରୋକ କରିଥିଲେ ।