ବାରିପଦା: ଆସନ୍ତା 19 ତାରିଖରେ ସାରା ଦେଶରେ ସପ୍ତମ ପର୍ଯ୍ୟାୟ ମତଦାନ ଦେବାକୁ ଥିବାବେଳେ ରାଜ୍ୟରେ 34ଟିବୁଥ୍ରେ ସାନି ମତଦାନ ହେବ । ତୃତୀୟ ଓ ଚତୁର୍ଥ ପର୍ଯ୍ୟାୟ ମତଦାନ ବେଳେ ବିଭ୍ରାଟ ହୋଇଥିବା ଦର୍ଶାଇ 10 ଜିଲ୍ଲାର 34ଟି ବୁଥ୍ରେ ସାନି ମତଦାନ ହେବାକୁ ସ୍ଥିର କରାଯାଇଛି । ସେଥିମଧ୍ୟରୁ ମୟୂରଭଞ୍ଜର 2 ନିର୍ବାଚନ ମଣ୍ଡଳୀର 5ଟି ବୁଥ୍ରେ ସାନି ମତଦାନ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଗତ ଏପ୍ରିଲ 29 ତାରିଖ ହୋଇଥିବା ଚତୁର୍ଥ ପର୍ଯ୍ୟାୟ ମତଦାନ ବେଳେ ଜିଲ୍ଲାର ବାଙ୍ଗରିପୋଷି ନିର୍ବାଚନ ମଣ୍ଡଳୀର ଗୋଟିଏ ବୁଥ୍ ଓ ବାରିପଦା ମଣ୍ଡଳୀର 4ଟି ବୁଥରେ ଇଭିଏମ ମେସିନରେ ଦେଖାଦେଇଥିବା ତ୍ରୁଟିକୁ ନେଇ ସାନି ମତଦାନ ପାଇଁ ଦାବି ହୋଇଥିଲା। ଏହି ଦାବିକୁ ବିଚାରକୁ ନେଇ ନିର୍ବାଚନ କମିଶନ ଆସନ୍ତା 19 ତାରିଖ ଏହି ପାଞ୍ଚଟି ବୁଥରେ ସାନି ମତଦାନ ପାଇଁ ଘୋଷଣା କରିଛନ୍ତି ।