ମୟୁରଭଞ୍ଜ: କୋରୋନା ଭାଇରସ ସଂକ୍ରମଣ ରୋକିବାକୁ ଦେଶକୁ ଲକଡାଉନ ଘୋଷଣା କରାଯାଇଛି । ଅନ୍ୟପକ୍ଷରେ କୋରୋନା ଭାଇରସ ସଂକ୍ରମଣ ରୋକିବାକୁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଉଛନ୍ତି। ତେବେ ବିଦେଶରୁ ଆସୁଥିବା ନାଗରିକମାନଙ୍କ ପ୍ରତି ସ୍ବତନ୍ତ୍ର ନଜର ରଖିଛି ପ୍ରଶାସନ । ଅନ୍ୟପଟେ ବିଦେଶରୁ ଆସିବା ପରେ ପ୍ରଶାସନ ସହ ଯୋଗାଯୋଗ ପାଇଁ ମଧ୍ୟ ସରକାରଙ୍କ ପକ୍ଷରୁ କୁହାଯାଇଛି ।
ତେବେ ମାର୍ଚ୍ଚ ୧୧ ତାରିଖରୁ ଆବୁଧାବିରୁ ଆସି ନିଜ ଗମନାଗମନ ତଥ୍ୟ ସରକାରଙ୍କୁ ପ୍ରଦାନ ନକରି ଆଇନ ଉଲଂଘନ କରିବା ଅଭିଯୋଗରେ ଜଣେ ବ୍ୟକ୍ତିଙ୍କ ବିରୋଧରେ ବାରିପଦା ଟାଉନ ଥାନାରେ ମାମଲା ରୁଜୁ କରାଯାଇଛି । ବ୍ୟକ୍ତି ଜଣକ ବାଲେଶ୍ଵର ଜିଲ୍ଲା ରୁପ୍ସା ଅଞ୍ଚଳର। ତେବେ ସେ ବର୍ତ୍ତମାନ ବାରିପଦା ବେଲଗୋଡ଼ିଆ ଅଞ୍ଚଳର ଜଣଙ୍କ ଘରେ ଲୁଚି ରହିଥିବା ଅଭିଯୋଗରେ ବାରିପଦା ତହସିଲଦାରଙ୍କ ଲିଖିତ ଅଭିଯୋଗ ପରେ ବାରିପଦା ପୋଲିସ ତାଙ୍କୁ ଅଧିକ ପଚରାଉଚରା ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
