ବାଇକରେ ଆସି ଦୁଇ ଦୁର୍ବୃତ୍ତ ଝାମ୍ପିନେଲେ ଟଙ୍କା ବ୍ୟାଗ୍

ବାଇକରେ ଆସି ଦୁଇ ଦୁର୍ବୃତ୍ତ ଝାମ୍ପିନେଲେ ଟଙ୍କା ବ୍ୟାଗ୍। ସିସିଟିଭିରେ କଏଦ୍ ଚୋରୀର ସମ୍ପୂର୍ଣ୍ଣ ଘଟଣା। ଅଧିକ ଖବର ପଢନ୍ତୁ...

ରାଇରଙ୍ଗପୁର: ବାଇକରେ ଆସି ଦୁଇ ଦୁର୍ବୃତ୍ତ ଝାମ୍ପିନେଲେ ଟଙ୍କା ବ୍ୟାଗ୍। ଘଟଣାଟି ଘଟିଛି ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ଅଧୀନ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ରାଇରଙ୍ଗପୁର ଶାଖା ନିକଟରେ।

ସୂଚନା ଅନୁଯାୟୀ ଜଣେ ଅବସର ପ୍ରାପ୍ତ ସେନା କର୍ମଚାରୀ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ରାଇରଙ୍ଗପୁର ଶାଖାରୁ ୧୮ ହଜାର ଟଙ୍କା ଉଠାଇ ଘରକୁ ଫେରୁଥିଲେ। ଏହି ସମୟରେ ଦୁଇ ଜଣ ଦୁର୍ବୃତ୍ତ ଏକ ବାଇକ ଯୋଗେ ଆସି ହଠାତ୍ ୧୮ ହଜାର ଟଙ୍କା ଥିବା ବ୍ୟାଗକୁ ଝାମ୍ପି ନେଇ ଦୃତ ଗତିରେ ଫେରାର ହୋଇ ଯାଇଥିଲେ।

ଖବର ଥାଉକି, ଅବସର ପ୍ରାପ୍ତ ସେନା କର୍ମଚାରୀ ଜଣକ ହେଲେ ରାଇରଙ୍ଗପୁର ଗ୍ରାମାଞ୍ଚଳ ଥାନା ବାସିଲା ଗ୍ରାମର ଶ୍ୟାମ ସାଗିନ ହେମ୍ବ୍ରମ। ଏନେଇ ରାଇରଙ୍ଗପୁର ଟାଉନ ପୋଲିସ ଘଟଣାର ଛାନଭିନ ଆରମ୍ଭ କରିଛି।

ରାଇରଙ୍ଗପୁରରୁ ସଞ୍ଜୟ ପରିଡା,ଇଟିଭି ଭାରତ