ବାରିପଦା : ମୟୂରଭଞ୍ଜ ଅବକାରୀ ବିଭାଗକୁ ସଫଳତା । ନକଲି ବିଦେଶୀ ମଦ କାରଖାନା ଠାବ ଏବଂ ମଦ ତିଆରି ସାମଗ୍ରୀ ଜବତ କରିଛି ବେତଟନୀ ଅବକାରୀ ବିଭାଗ । ମୟୂରଭଞ୍ଜ ଜିଲ୍ଲା ବେତନଟୀ ଅବକାରୀ ବିଭାଗ ଉଠାଣିନୂଆଗାଁ ଗ୍ରାମରେ ନକଲି ବିଦେଶୀ ମଦ କାରଖାନା ଠାବ କରିଛି ।
ଅବକାରୀ ବିଭାଗ ନକଲି ମଦ ତିଆରି ହେଉଥିବା ଖବର ପାଇ ଉଠାଣିନୂଆଗାଁ ରେ ଚଢ଼ାଉ କରିଥିଲା। ଉଠାଣିନୂଆଗାଁ ଗ୍ରାମର ସୁନୀଲ ପୃଷ୍ଟି ଓ ସୁବାସ ପୃଷ୍ଟି ଘରେ ନକଲି ବିଦେଶୀ ମଦ ତିଆରି ହେଉଥିବା ନେଇ ଅବକାରୀ ବିଭାଗ ଖବର ପାଇ ଚଢ଼ାଉ କରିଥିଲା । ଘରେ ତାଲା ଲାଗିଥିବାବେଳେ ଘରେ କେହି ନ ଥିଲେ । ପୃଷ୍ଟିଙ୍କ ଘରୁ ବିପୁଳ ପରିମାଣରେ ନକଲି ବିଦେଶୀ ମଦ, ବିଭିନ୍ନ ବ୍ରାଣ୍ଡର ମଦ ବୋତଲ, ଖାଲି ବୋତଲ, ଠିପି, ଲେବଲ, ସିଲ, ସ୍ପିରିଟ, ଥିନର ଜବତ କରିଛି ଅବକାରୀ ବିଭାଗ । ତେବେ ଅବକାରୀ ବିଭାଗର ଚଢ଼ାଉବେଳେ ପୃଷ୍ଟିଙ୍କ ଘର ନିକଟରେ ଥିବା ଏକ ଖାତ ଭିତରୁ 5 କେଜି ଗଞ୍ଜେଇକୁ ମଧ୍ୟ ଜବତ କରାଯାଇଛି ।
ଭିଡିଓ ସୌଜନ୍ୟ : ସମ୍ବାଦଦାତା,ମୟୁରଭଞ୍ଜ