ରାଇରଙ୍ଗପୁର: ଆସନ୍ତା ସେପ୍ଟେମ୍ବର ୬ରେ ରାଜ୍ୟ କୁଡୁମିସେନା ପାଳିବ କଳା ଦିବସ । ଏନେଇ ସୋମବାର ମୟୁରଭଞ୍ଜ ଜିଲ୍ଲା ପାଞ୍ଚପିଢ଼ ଉପଖଣ୍ଡ କରଞ୍ଜିଆ ବାଉନାଶାଳ ନିକଟରେ ଦଳର ସଭାପତି ଜୈମନୀ ମହାନ୍ତଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ କରାଯାଇଛି ।
ଭିଡିଓ ସୌଜନ୍ୟ:ପ୍ରତିନିଧି, ରାଇରଙ୍ଗପୁର
ପ୍ରକାଶ ଥାଉକି, ୧୯୫୬ ମସିହା ସେପ୍ଟେମ୍ବର ୬ତାରିଖରେ କେନ୍ଦ୍ର ସରକାର କୁଡୁମି ଜାତିକୁ କୌଣସି କାରଣ ନ ଦର୍ଶାଇ ଏସଟି ତାଲିକାରୁ ବାଦ ଦେଇଥିଲେ । ଏଥିଯୋଗୁଁ ସେପ୍ଟେମ୍ବର 6ତାରିଖକୁ ରାଜ୍ୟ କୁଡୁମି ସେନା କଳା ଦିବସ ପାଳନ କରିବା ପାଇଁ ସୋମବାର ଏକ ବୈଠକ ଡାକିଥିଲେ । ଏହି ବୈଠକରେ ରାଜ୍ୟର ବିଭିନ୍ନ ଅଞ୍ଚଳରୁ ଜିଲ୍ଲା ସଭାପତି ସମ୍ପାଦକମାନେ କରଞ୍ଜିଆ ବାଉନାଶାଳରେ ଏକଜୁଟ ହୋଇଥିଲେ ।