ମୟୂରଭଞ୍ଜ: ମୋରଡ଼ା ଥାନା ଘୋଡ଼ାବନ୍ଧା ଖୁଣ୍ଟାପାଳ ଗ୍ରାମରେ ହୋଇଥିବା ଡବଲ ମର୍ଡର ଘଟଣା ଏବେ ଗୁରୁତର ରୂପ ନେବାରେ ଲାଗିଛି । ଘଟଣାସ୍ଥଳକୁ ତଦନ୍ତ ପାଇଁ ଯାଇଥିବା ପୋଲିସକୁ ଅଟକ ରଖିବା ସହିତ ଉତ୍ତ୍ୟକ୍ତ ଗ୍ରାମବାସୀ ପୋଲିସ ଜିପ ଭଙ୍ଗାରୁଜା କରିଛନ୍ତି । ସେପଟେ ହତ୍ୟାକାରୀକୁ ଉତ୍ତ୍ୟକ୍ତ ଜନତା ଅଟକ ରଖିବା ସହିତ ମାଡ଼ ମାରି ଲହୁଲୁହାଣ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ମିଳିଥିବା ସୂଚନା ମୁତାବକ ମୋରଡ଼ା ଥାନା ଅନ୍ତର୍ଗତ ଖୁଣ୍ଟାପାଳ ଗ୍ରାମରେ ଡବଲ ମର୍ଡରକୁ ନେଇ ଚାଞ୍ଚଲ୍ୟ ଖେଳି ଯାଇଥିଲା । ପାରିବାରିକ କଳହରୁ ଜଣେ ଯୁବକ ମାନସିକ ଭାରସାମ୍ୟ ହରାଇ ନିଜ ସ୍ତ୍ରୀ ଓ ଶାଶୁଙ୍କୁ ହତ୍ୟା କରିଥିଲା । ମୃତକ ମାନେ ସମ୍ପର୍କରେ ମା ଓ ଝିଅ ବୋଲି ଜଣାପଡ଼ିଛି । ଘଟଣା ସମ୍ପର୍କରେ ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଥିଲା ।