ରାଇରଙ୍ଗପୁର: ଚୋରା ବାଲି ଚାଲାଣ ବେଳେ ତିନି ଟ୍ରାକ୍ଟର ଜବତ । କରଞ୍ଜିଆ ତହସିଲଦାର ଚିତ୍ରପୋଷୀ ବାଲିଘାଟରୁ ଚୋରାରେ ବାଲି ଚାଲାଣ ହେଉଥିବା ସମୟରେ ତିନୋଟି ଟ୍ରାକ୍ଟର ଜବତ କରିଛନ୍ତି ।
ଭିଡିଓ ସୌଜନ୍ୟ : ପ୍ରତିନିଧି,ରାଇରଙ୍ଗପୁର
ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଚିତ୍ରପୋଷୀ ଗ୍ରାମରେ ଥିବା ବାଲି ଘାଟରୁ ବେଆଇନ ଭାବେ ୩ ଟି ଟ୍ରାକ୍ଟରରେ ବାଲି ଚୋରା ଚାଲାଣ ହେଉଥିବା ସୂଚନା ପାଇଥିଲେ । ଏହାପରେ କରଞ୍ଜିଆ ତହସିଲଦାର ତାପସ ରଞ୍ଜନ ଦେହୁରୀ ଏବଂ ତାଙ୍କ ଟିମ ସହିତ କରଞ୍ଜିଆ ପୋଲିସ ସହାୟତାରେ ୩ଟି ଟ୍ରାକଟରକୁ ଚିତ୍ରପୋଷୀ ବାଲିଘାଟ ନିକଟସ୍ଥ ଅସନବଣି ଗ୍ରାମ ଭିତରୁ ଧରିଛନ୍ତି । ଟ୍ରାକ୍ଟର ର ନଂ OD09D5124 ଥିବା ବେଳେ, ଅନ୍ୟ ଦୁଇ ଟ୍ରାକ୍ଟର ନମ୍ବର ବିହୀନ ନିଉ ହଲାଣ୍ଡ ଟ୍ରାକ୍ଟରକୁ ଜବତ କରି ପୋଲିସ ସହାୟତାରେ କରଞ୍ଜିଆ ଥାନାକୁ ଆଣି ଅଟକ ରଖିଛି।