ରାଇରଙ୍ଗପୁର: ଗଣମାଧ୍ୟାମ ପ୍ରତିନିଧିଙ୍କୁ ଦୁର୍ବ୍ୟବାହାର । ତଥ୍ୟ ମାଗିବାରୁ ନାଲି ଆଖି । ଏମିତି ଘଟଣା ଘଟିଛି ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ । ଡାକ୍ତରଖାରନାର ଏସଡିଏମଓ ଅକ୍ଷୟ ରଥ ଓଡିଶାର ଏକ ୱେବ ଚ୍ୟାନେଲର ସ୍ଥାନୀୟ ପ୍ରତିନିଧି ବିନ୍ଦୁସାର ଦାସଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି ।
ଗଣମାଧ୍ୟମ ପ୍ରତିନିଧିଙ୍କୁ କରଞ୍ଜିଆ ଏସଡିଏମଓଙ୍କ ଦୁର୍ବ୍ୟବହାର
ଆଜି(ସୋମବାର) ସପୃକ୍ତ ଚ୍ୟାନେଲର ପ୍ରତିନିଧି ଜଣଙ୍କ କରଞ୍ଜିଆ ଡାକ୍ତରଖାନାରେ ଦେଖା ଯାଉଥିବା ବିଭିନ୍ନ ସମସ୍ୟାକୁ ନେଇ ସେଠାକୁ ଏକ ରିପୋର୍ଟିଂ ପାଇଁ ଯାଇଥିଲେ । ତେବେ ଡାକ୍ତରଖାନାରେ ଡାକ୍ତର, ନର୍ସଙ୍କ ଅଭାବ ଏବଂ ଅନ୍ୟାନ୍ୟ ଅସୁବିଧା ସମ୍ପର୍କରେ ମେଡ଼ିକାଲ ଅଫିସରଙ୍କୁ ସୂଚନା ମାଗିଥିଲେ । ମାତ୍ର ସୂଚନା ଦେବା ବଦଳରେ ଉକ୍ତ ମେଡ଼ିକାଲ ଅଫିସର ଜଣଙ୍କ ଉତକ୍ଷିପ୍ତ ହୋଇ ଗଣମାଧ୍ୟମ ପ୍ରତିନିଧିଙ୍କୁ ଦୁର୍ବ୍ୟବହାର କରିବା ସହିତ ଅତି କଦର୍ଯ୍ୟ ଭାଷାରେ ଗାଳି ଗୁଲଜ କରିଥିବାର ଅଭିଯୋଗ ହୋଇଛି।