ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କରଞ୍ଜିଆ ମଣ୍ଡୁଆ ଗ୍ରାମରେ ପ୍ରେମୀଯୁଗଳଙ୍କୁ ଲଣ୍ଡା କରି ମାଡ ମାରିବା ଘଟଣାରେ 4 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏହା ସହ ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ଜୋରାଦାର ପ୍ରୟାସ ଆରମ୍ଭ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଥାଉକି, କରଞ୍ଜିଆ ମଣ୍ଡୁଆ ଗ୍ରାମରେ ପ୍ରେମୀ ଯୁଗଳଙ୍କୁ ଲଣ୍ଡା କରି ମାଡ ମାରିବା ଘଟଣାର ଭିଡିଓ ଭାଇରାଲ ହୋଇଥିଲା । ଏହି ନିନ୍ଦନୀୟ ଘଟଣା ଗଣମାଧ୍ୟମରେ ପ୍ରସାର ହେବା ପରେ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କଙ୍ଗାରୁ କୋର୍ଟର ଏହି ଅମାନବୀୟ ଘଟଣାରେ ୨୧ ଜଣଙ୍କ ନାଁରେ ମାମଲା ରୁଜୁ ହୋଇ ଥିବାବେଳେ ପୋଲିସ ଗତକାଲି (ସୋମବାର) ତିନି ଜଣ ଯୁବକଙ୍କୁ ଗିରଫ କରିଥିଲା । ଏହା ପରେ ରାତିରେ ଗାଁରୁ ଆଉ ଜଣେ ଯୁବକଙ୍କୁ ଗିରଫ କରିଥିଲା ପୋଲିସ । ଯାହାଙ୍କୁ ଆଜି(ମଙ୍ଗଳବାର) କୋର୍ଟ ଚାଲାଣ କରାଯାଇଛି ।