ମୟୂରଭଞ୍ଜ: ଗରାଖ ହୋଇ ଆସିଲେ ଆଉ ଲୁଟେରା ହୋଇ ଲୁଟିନେଲେ । ଏଭଳି ଅଭିନବ ଉପାୟରେ ଲୁଟପାଟ୍ ଘଟିଛି ମୟୂରଭଞ୍ଜର କୁଳିଅଣା ବଜାରରେ ।
ବଜାରରେ ଥିବା ମା’ ତାରିଣୀ ଜୁଏଲର୍ସ ଦୋକାନରୁ ୫ ଲକ୍ଷରୁ ଊର୍ଦ୍ଧ୍ୱ ଟଙ୍କାର ସୁନା ଅଳଙ୍କାର ଲୁଟ୍ ହୋଇଥିବା ଅଭିଯୋଗ ହୋଇଛି । ରବିବାର ଅପରାହ୍ନରେ ୨ ଜଣ ଲୁଟେରା ଗ୍ରାହକ ଭଳି ଆସି ଦୋକାନୀଙ୍କୁ ଏକ ତାବିଜ ମାଗିଥିଲେ । ତାବିଜ ନେବା ପରେ ଦୁଇ ଶହ ଟଙ୍କିଆ ନୋଟ୍ ଦୋକାନୀଙ୍କୁ ଦେଇଥିଲେ। ଦୋକାନୀ ଜଣଙ୍କ ନୋଟ ପରଖିବାବେଳେ ତାଙ୍କୁ ଆଉ କିଛି ଦେଖାଯାଇ ନ ଥିଲା । ଠିକ୍ ସେହି ସମୟରେ ଲୁଟେରା ଦ୍ବୟ 6 ଟି ସୁନା ହାର ଓ ରୂପା ଅଳଙ୍କାର ଲୁଟ୍ କରି ଫେରାର ହୋଇଯାଇଥିଲେ ।