ରାଇରଙ୍ଗପୁର:ଅଜଣା ଟ୍ରକ ଧକ୍କାରେ ଜଣେ ନାବାଳକ ମୃତ । ଏଭଳି ଏକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ପୁରୁଣାପାଣି ଗ୍ରାମ ୨୨୦ ନଂ ଜାତୀୟ ରାଜପଥ । ମୃତ ନାବାଳକ ଜଣଙ୍କ ହେଉଛନ୍ତି ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ତାମଳବନ୍ଧ ଗ୍ରାମର ସୁମନ୍ତ ଗିରିଙ୍କ ପୁଅ ଓମଶ୍ରୀ ଗିରି ।
ଟ୍ରକ ଧକ୍କାରେ ନାବାଳକ ମୃତ
ସୂଚନା ଅନୁଯାୟୀ ଓମଶ୍ରୀ ଗିରି ପ୍ରତ୍ୟେକ ଦିନ ଭୋର ସକାଳୁ ରାଇରଙ୍ଗପୁର ଯାଇ ପରିବା ଆଣି ବିକ୍ରି କରିଥାନ୍ତି । ଆଜି ମଧ୍ୟ ଭୋର ସକାଳୁ ପରିବା ଆଣିବାକୁ ଯାଇଥିବାବେଳେ ଜାତୀୟ ରାଜପଥରେ ଏକ ଅଜଣା ଟ୍ରକ ତାଙ୍କୁ ଧକ୍କା ଦେଇ ଦୃତ ଗତିରେ ଖସି ପଳାଇ ଯାଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ଘଟିଥିଲା। ତେବେ ଉକ୍ତ ଦୁର୍ଘଟଣାକୁ ନେଇ ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଛି।