ବାରିପଦା: ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜରେ ହାତୀଙ୍କ ତାଣ୍ଡବ । ଦୀର୍ଘଦିନ ହେବ ପାଖାପାଖି ୪୦ ରୁ ଅଧିକ ଝାଡ଼ଖଣ୍ଡୀ ହାତୀପଲ ରାସଗୋବିନ୍ଦପୁର ରେଞ୍ଜରେ ପଶି ଆତଙ୍କ ଖେଳାଇଛନ୍ତି । ୪୦ ରୁ ଉର୍ଦ୍ଧ୍ବ ଝାଡ଼ଖଣ୍ଡୀ ହାତୀ ଏବେ ରାସଗୋବିନ୍ଦପୁର ରେଞ୍ଜ ପୂର୍ଣ୍ଣଚନ୍ଦ୍ରପୁର, ଭାଲିଆଗଡିଆ, ବଣକାଟି, ମିର୍ଧପୁର ଆଦି ଗାଁରେ ହାତୀପଲ ଏକର ଏକର ଧାନ ଫସଲ ନଷ୍ଟ କରିଥିବା ଦେଖିବାକୁ ମିଳିଛି।
ରାସଗୋବିନ୍ଦପୁର ରେଞ୍ଜରେ ଝାରଖଣ୍ଡି ହାତୀ
ତେବେ ସୂଚନା ଅନୁଯାୟୀ, ଭାଲିଆଗଡିଆ ଗ୍ରାମର ସୁଭେନ୍ଦୁ ସାହୁଙ୍କ ଫାର୍ମହାଉସରେ ପଶି ଏହି ହାତୀପଲ ବ୍ୟାପକ କ୍ଷୟକ୍ଷତି କରିଥିବା ଦେଖିବାକୁ ମିଳିଛି। ୨୩ ଏକର ବିଶିଷ୍ଟ ଏହି ଫାର୍ମହାଉସ ଭିତରେ ହାତୀପଲ ପାମଲିନ୍ ଗଛ , ନଡ଼ିଆ ଗଛ , କାଜୁ, ଆମ୍ବ, ଲେମ୍ବୁ, ଆକାଶୀ ଗଛ ସହିତ ଘର ଓ ପାଣିପମ୍ପ ଭାଙ୍ଗି ବ୍ୟାପକ କ୍ଷୟକ୍ଷତି କରିଛନ୍ତି।